Eis Secretario Jona Postu Administrativo Hatobuilico Aktual Presidente Konsselu Pastoral Kuaje Paeoquia Hatobuilico Alexandre de Araujo, hato’o lia hirak ne’e ba jornalista Radio Komunidade Maubisse Mauloko Sabado Loron 12 fulan Junho ne’e iha Postu Administrativo Hatobuilco Municipio Ainaro. Ligado ho Prokupasaun ne’e tuir Eis Secretario Jona ne’e hateten katak.

“Governo hateten dehan 90% populasaun Timor ne’e moris hosi agrikultura maibe governu la tau matan ba ema agrikultura ne’e ema atu moris nusa, se governu la rejolve problema agrikultura oinsa mak ema bele moris ho diak, povu kiak nafatinno la iha dezenvolvimentu. Pelomenus fo kreditu ruma ka fo apoiu ruma ou fo formasaun ruma ba iha to’os nain sira maneira oinsa kuda ho diak, oinsa hakiak modo atu bele buras diak liu. Iha hatobuiliko ne’e hein udan de’it, udan be’en diak modo mos iha, udan be’en la diak mak modo mos sei laiha, iha ne’e be’e barak maibe nusa mak la mai halo barajen ruma ka tamke be’e iha fatin barak atu nune’e iha tempu bailoron mos sira rega nafatin, modo ne’e lor-loron ita bele fa’an maibe agora hein klima deit. Agora iha fulan mai to Juñu udan laiha ne’e Hatubuiliko mos modo laiha ona sei ba hola fali husi Aileu ho Dili lori fali mai Hatubuiliko mas afinal modo nia hun mak Hatubiliko no Maubisse. Tamba ne’e rekomenda ba govertu atu tau matan oinsa povu hortikultura ho irigasaun ne’e ho aumenta no bele fa’an lor-loron.”Hateten Eis Secretario Jona Hatobuilico ba Jornalista Racom Maubisse 12/06/2021.

Tamba ne’e lori komunidade Postu Administrativo Hatobulico nia naran husu Governo atu hare no toma konsiderasaun ba Prokupasaun hirak ne’e, liu hosi Apoiu ba Komunidade Agrikultores hase Produsaun Tamba Konsidera Postu Administrativo sai hanesan Area ne’ebe maka Potensia ba Modo maibe to ohin loron komunidade nia Produsaun depende ba iha klima.

Jornalista         :Junior Martins Villa

Editor              :Moises da Silva Magno