Direjente Eskola EBC Be-Ubu Nunumoge Hato-Builico Husu Governo Tau Matan Ba Futuru Estudante EBF Leo-Telu Liu hosi Roman Eletrisidade.

Direktur Eskola EBC Be-Ubu Napolião Verdial Lopes  hato lia hirak ne’e iha Seremonia Inagurasaun ba Sistema be mos iha Aldeia Leo-Telo Segunda loron 19 fulan Jullu foin dadaun ne’e. Tuir Direktur Eskola hateten Ligado ho eskola ba uma  ne’ebe foin lalais ne’e  fo’o sai husi Miniteriu Edukasaun, maibe lamentasaun ne’ebe maka Estudante sira inferenta maka laiha naroman. Obrigado Inan Aman Sira Tenki ba Sosa minarai iha Ainaro hodi fasilita oan sira Estuda iha Tempu kalan. Ligado ho Servisu Uma nian ne’ebe maka fo’o husi Manorin nain Sira husi Eskola.

“Foin dadaun ne’e husi ita Ministeriu dehan katak Eskola ba uma. Ami nia lamentasaun maka ne’e kundu labarik sira fila fali ba uma fo’o Trabalho da Casa kuandu Tetun karik ami bolu naran SUN “Servisu Uma Nian” maka labarik la halo dala ida to’o dala rua maka labarik sira la halo ami mo’os buka investika to’o iha Inan Aman, sira hateten ai… tebes oras ne’e ema taka dalan ami sei ba sosa minarai to’o Ainaro maka labarik sira estuda, la ba sosa minarai karik ahi laiha.” Hateten Napolião Verdial Lopes  Direktur Eskola EBC Be-Ubu 19/07/2021.

Ligado ho Prokupasaun ne’e Direktur Eskola ne’e husu ba iha Ministeriu Obras Publika atu toma netik konsiderasaun ba Prokupasaun hirak ne’e. Nu’une’e bele fasilita Estudante sira estuda iha tempu kalan.

Maske  iha area ne’eba  Kona ba Instalasaun linha Eletrisidade  Tama ona iha Komunidade sira nia uma, mai to’o ohin loron ahi seidauk lakan.

Hosi sorin seluk mo’os Direktur Eskola ne’e Prokupa kondisaun Estrada Liga ba Eskola EBF Leo-Telu tamba Susar atu asesu iha Tepu  udan liu-liu tranporta ai-han Merenda Eskolar ba Estudante sira.

Jornalista         Joaquim de Fátima Countinho

Editor              Moises da Silva Magno