Loron 19 Fulan Jullu tinan ne’e PNTL Municipio Ainaro Rejistu Motorista ne’ebe Seidauk iha Karta Kondusaun ba Motor ho Kareita.
Liha Hirak ne’e hato’o husi Segundu Komandante PNTL Municipio Ainaro Suprentendente Asistente Polisia Victor da Costa. Iha Seremonia distribuisaun sasan Emergenjia ba familia Vitima Dezastre Naturais uma kain 88 iha Sede Suku Aituto Postu Administrativo Maubisse Loron 15 Fulan Jullu 2021.
“Hanesan Segundu Komandante hau atu fo’o hatene katak, husi Komandon PNTL Municipio Ainaro mo’os halao Kontanktu ho Diresaun Nasional Transporte Terstre (DNTT) atu halo Kartaun Kondusaun iha dia 19, hau hanoin sira Avisu ona. Katak ida dia 19 Komando PNTL Municipio Ainaro sei realija Rejistu ba Kandidatu foun ne’ebe seidauk hetan Kartaun Kondusaun ba Motor ho Kareita. Depois de ida ne’e Komando sei halo Plano operasaun ba Transportes roda viario maka hetan nafatin imi la iha Karta Kondusaun imi sei hetan Multa, Sansaun Administrativa mo’os Juridikamente ita hatene katak Sim laiha ne’e Prezaun tinan rua.” Hateten Segundo Komandante PNTL Municipio Ainaro 15/07/2021.
Entertanto tuir Karta Avisu ne’ebe maka Komando PNTL Municipio Ainaro Seksaun Transitu i Seguransa Rodavário hateten, Kriteria ne’ebe Presija maka hanesan Foto Kloridu ho Medida 3×4 Tahan rua, Foto Kopya Kartaun Eleitoral Taha ida, Atestadu Médiku husi Hospital, inkui Osan dolares Sanolu Resin Lima ($15.00)
Jornalista Junior Martins Villa
Editor Moises da Silva Magno
