Ho SS no EE Fo Impaktu Ba Produto Local Komunidade Sira Nian Dodok Iha Tos Laran “Tamba La Asesu ba Merkadu”.

Prokupasaun ne’e hato hosi Inan feton Francisca da Conceicao ba Jornalista Radio Komunidade Maubisse Domingo Loron 16 Fulan Maio 2021 Foin lalais ne’e  iha nia Rezidencia Aldeia Manumera Suku Mulo Postu Administrativo Hatobuilico Municipio Ainaro.

“ Se Nai Ulun sira hakark dehan ami mate dehan deit mai tamba Ami nia Produto sira dodok tia hotu iha Tos laran Oinsa Ami beles moris. Ne’e hau lori komunidade tomak iha Manumera maka hato hela ba ne’e.”

Biban ida ne’e mos Komunidade Pedro do Santos de Deus ho Laran susar ba Jornalista Radio Komunidade Maubisse Mauloko Haktuir, karik ho serka sanitaria no konfinamentu obrigatorio ne’e nafatin lao oinsa atu buka moris hodi sustenta ba familia uma laran.

Prokupasaun hanesan hato’o mo’os hosi Xefe juventude Aldeia Manumera Florindo Pereira hodi haktuir  Maioria Komunidade Aldeia Manumera Moris ho halo Tos. Maibe ho Serka sanitaria fo impaktu tebes ba Produto komunidade sira nian barak dodok iha tos laran, tamba ho situasaun actual komunidade sira la bele lori ba fan iha merkadu.

Liga ho Prokupasaun hirak ne’e tuir xefe aldeia Manumera Afonsu Verdial hateten, ho Aihan ne’ebe maka komunidade simu ona liu hosi sesta bajika  la sufiseinte Atu Augenta to semana, tamba ne’e Lider Komunitaria ne’e husu ba estado se bele karik ajuda nia komunidade liu hosi Aihan tamba ho serka Sanitaria komunidade sira labalele halo movimentu hodi buka moris.

Jornalista Moises magno

Editor Joaquim Coutinho