Administrador Municipio Ainaro Husu Ba Xefe Do Suku Sira Atu Buka Tuir Komunidade Sira Ne’ebe Maka Moris Iha Kiak No Mukit Nia Laran, Nu’une Bele Hetan Apoiu Ruma Hosi Estado.
Leovigildo Amaral Pereira hato Lia hirak ne’e hafoin Lansamentu ba Distribuisaun sasan emerjenjia ba familia afetado dezastre Naturais ba suku Tolu kompostu hosi Suku Maulau, Edi, no Suku Maubisse villa Kuarta Feira ne’e iha Edi Postu Administrativo Maubisse Municipio Ainaro.
“Hau nia mensajem ba ita nia Xefe suku xefe aldeia ne’ebe besik liu ba ita nia komunidade sira, atu buka tuir ita nia komunidade ne’ebe kbi’it laek liu no moris iha pobreja liu idan e’e hau hakarak, tuir hau nia mandatu ne’e durante tinan lima.Hau hakarak hare liu ba ita nia komunidade ne’ebe moris iha terus no susar laran e kiak liu buka para hato’o ba ita nia Governu Sentral nune’e bele fo apoiu ba sira, harak hato hela ba ita nia komunidade hotu-hotu ne’ebe hela iha area rurais sira hadok an husi fatin risku ba ita nia vida tamba Dezastre Naturais ne’e mosu kualker tempu deit ita la espera tamba ne’e husu ba komunidade hotu-hotu sekarik atu halo uma ruma atu hela dia liu bua iha rai tetuk labele besik foho, labele besik mota ibun no mos ai ne’ebe bo’ot fo ameasa ba ita nia vida”.
Autoridade Masimu Municipio Ainaro ne’e husu nafatin ba iha komunidade sira iha Postu Administrativo Maubisse atu la bele hela ou halo uma iha fatin sira ne’ebe maka risku ba dezastre hanesan iha Mota ninin, rai lolon, inklui Aihun Bo’ot sira.
Jornalista Augusto Alves
Editor Moises da Silva Magno
