Iha tempu udan  komunidade suku fatubesi kuaze populasaun Rihun ida atus tolu walu Nolu (1.380 ) infrenta la asesu ba be’e mo’os maibe asesu deit ba udan ben, alende iha tempu bailoron  komunidade sira  lao ain ho distansia nebe dok hodi hetan be mos nune uza ba moris lorloron nian.

Joaquim da Consceicao nudar komunidade ida husi suku fatubesi  nia parte haktuir, durante timor ukun an too ohin loron komunidade  sira tenki lao ain ho distansia nebe dok hodi  hetan  be mos.

Alende  ne xefe suku  Fatubessi Bonifacio Pereira Mendonsa nia parte mos kestiona ida ne’e  kleur ona maibe be’e mo’os sai preokupasaun bot ba  komunidade suku fatubessi, ba dadaun ne  husi  ong  balun kanaliza ona be mos maibe balun la asesu tamba hela iha foho leten.

‘’ Be’e mo’os ne’e sai hanesan Prokupasaun ba Hau nia Komunidade Sira iha Suku ida ne’e, maske hosi Ong balun mai halao ona kanalizasaun maibe la bele kobre hotu tamba komunidade barak maka hela iha Foho leten’’.

Xefe suku nia parte husu ba Governo atu bele tau matan nune  ba komunidade sira liu-liu iha area remotas.

Entertanto nia parte relata total populasaun iha suku fatubessi hamutuk  Rihun ida atus tolu walu nolu (1.380 ).

Jornalista Joaquim de Fatima Coutinho

Editor Augusto Alves de Carvalho