Durante tinan barak ona hahu kedas mai husi tinan 1990, Klinika Santo Joaquim Maubisse iha deit kareta ida hodi facilita servisu saude iha Posto Administrativu de Maubisse ne’ebe kompostu husi suco 9, aldeia 62.

Iha tempu Indonesia klinika refere laiha kareta, dala barak halao servisu saude ba suco sira ho lao ain deit , no dala barak komunidade sira ofrece kuda ba pessoal saude sira hodi tula aimoruk hodi halao onsulta iha kada suco no aldeia sira.

Klinika Santo Joaquim Maubisse nia Visaun no vizaun nebe bo’ot tebes maka halao servisu tratamentu saude ba pasiente sira  iha Postu Administrativu Maubisse, maibe ate a data klinika refere menus tranporte hodi halao servisu ba area rural sira.

Klinika Santo Joaquim Maubisse  hari iha tinan 1990 husi madre española ida, ho naran Madre Tresita no klinika  refere privadu maibe  servisu   ho governo ho nia misaun no vizaun nebe bot tebes hodi halao servisu kona ba tratamentu saude ba pasiente sira,  no laos servisu internal deit maibe mos kobre ba to’o  suku sira hodi halao tratamentu ba pasiente sira  liu husi aktividade KSP no SISKA  iha Postu Administrativu Maubisse  durante ejistensia klinika refere.

Nune’e mos Ir. Angelica da Silva dos Reis haktuir ba Jornalista Radio Komunidfade Maubise Mauloko,  iha loron Quarta Feira foin lalais ne’e iha nia knar fatin eis igreja paroquial Maubisse katak, total funsionario nebe halao knar iha klinika refere ho PCS sira hamutuk   45 hodi halao servisu ba atendimentu  pasiente sira, no klinika refere  kuaze halao tratamentu ba moras hotu-hotu, nebe mak komunidade sira iha Maubisse hasoru.

Jornalista Melvia Mendonca

Editor Joaquim de Fatima Coutinho