Racom Maubisse,01/01/2024 Amu Pároco Maubisse Padre João Soares ne’ebé maka hanesan inisiador  ba Aktividade ida ne’e iha Maubisse agradece ba komisaun organizadora ba konkursu solo vocal no musiuka koremeten ne’ebe mak organiza husi komisaun organizadora ne’ebe lideradu husi Doutora Gabriela da Conceicao Pereira Magno ho nia ekipa. Tamba ne’e Paroco maubisse ne’e hateten;

“Ita bele halo buat ruma iha Natál ka lae, ida ne’e maka sai husi hau. Agora ekipa maka fera ulun ho Prezidente,  no hau nunka hanoin katak buat ne’e tenki akontese hanesan ne’e hau hanoin simples los maibe akontese mai fora husi hau nia espetativa entaun ida ne’e fó fali mai hau mehi seluk ida mas depois. Ne’ebé hau hakarak ható parabens ba Prezidente ho Ekipa Komisaun Juri sira, ho hau nia Dewan sira hakarak mós agradese ba Katekista sira mai husi Kapela-Kapela, Nai Xefe Suku sira. Atu dehan mós Nai Administrador katak Paroquia bele hanoin halo buat ruma maibe se laiha autorizasaun, se laiha kóperasaun ho Nai Administrador, Xefe Suku sira ne’e ita labele lao, ne’ebé hau konsiente katak buat sira ne’e lao ne’e tamba ita bót sira nia Apoiu. Ne’ebé hau hakarak dehan ba ita bót sira katak buat sira ne’e lao laos hau nia inisiativa maibe hau ható pregunta deit inisiativa ho buat hotu ne’e Komisaun maka halo tamba ne’e hau hakarak agradese ba Komisaun Kompostu husi Mestre sira, Frater sira ne’ebé maka organiza buat ne’e kapás tebes ita mós hakarak agradese ba Sr. Inacio ne’ebé maka ho laran luak ofrese ekipamentus sira mai”.

Enterntatu durante Selebrasaun Missa Natál 2023 no Simu Tinan Foun 2024 iha Paroquia Maubisse Situasaun Lao hakmatek no Kontroladu tamba hetan Seguransa Másimu tebes husi Membru PNTL Esquadra Maubisse.

Jornalista         Moises Magno

Editór              Joaquim Coutinho