Racom Maubisse, 29/03/2022 Ministeriu Edukasaun Liuhusi Diresaun Municipiu Ainaro, hamutuk ho inspektur zona A Maubisse Directores, Ko’ordenadores, professores no alunus inklui autoridade local, Suco Maubisse Villa Halao Lansamentu Primeira Pedra Ba Ekola Filial Ensinu Baziku 1,2 Rialeco Maubisse Villa
Ba Radio Komunidade Maubisse Mauloko, Inpektor Zona A Pedro Mendonca, hatete katak;
“Objektivu ida ohin mai iha fatin ida ne’e atu halo lansamentu primeira pedra ba eskola EBF Rialeko Maubisse, tamba ne’e maske director Municipiu no Nasionalla Marka prezensa maibe delega ami mai iha ne’e hamutuk ho koordenaor escolar, autoridade komunitariu mestre no alunus sira hodi halao lansamentu primeira perda ba Escola EBF Rileco Aldeia Rileco, Suco maubisse Villa Posto Maubisse Municipiu Ainaro”.
“Entertantu Inspektur Escolar Zona A ne’e hatutan liu tan katak; Eskola EBF Rialeko iha fatin nebe maka issoladu uituan ladun hanesan fatin sira seluk tanba dalan atu transporta material konstrusaun difisil tebes iha tempu udan konstrusaun ekola ida nee ho nia durasaun fulan 6 ho nia orsamentu $ 92,706.60 dollar amerikanu iha sala tolu no haris fatin ba feto no mane no mos sala ida ba professor sira”.
Iha Fatin hanesan Kordendador Eskola EBF Rialeko Joaquim de Jesus Nunes haktuir;
“Ha’u senti kontente tanba hahu mai husi ukun rasik-an komunidade hari uma escolar ho dut ida depois malae ida husi America mai hari uma escolar ne’e ho kalen maibe ikus mai anin loke tiha, no paradu iha tempu naruk maibe agradece ba Oitavo governu Konstitusional liu husi MEJD iha tinan ida ne’e 2022, bele tau prioridade hodi hari ami nia escolar foun ida maibe seidauk sufisiente’.
Nune’e mos Xefe Aldeia Rialeko Agostinho Mendonca hatete;
“Senti kontente no agradese ba governu liu husi Ministeriu Eduksaun bele halo tan eskola ida ba nia povu liu liu ba ami nia oan sira atu aprende diak no hodi prepara ba future Timor Leste, maibe triste mos tanba ladun iha Estrada nebe diak atu transporta material ba konstrusaun iha tempu udan”.
Maske escola hari ona maibe autoridade komunitariu Aldeia Rileco ne’e husu nafatin ba Governu atu hadia Estrada, be mos, agrikultura nune’e bele tulun komunidade sira iha moris loro-loron, tamba komunidade sira susar tebes ba asesu Estrada hodi facilita sira lori produtu local ba merkadu.
Jornalista : Natalino Mendonca
Editor : Joaquim de Fatima Coutinho
