Plan Internasional Realiza Treinamentu SOGIESC ba Jornalista no Steering Committee Durante Loron Rua

0
88 views

Racom Maubisse-2024, Plan International Timor-Leste (PITL), servisu hamutuk co-aplicante organizasaun naun-governamental (ONG), AHDMTL (Asosiasaun Defisiensia Halibur Matan Timor-Leste) no Arcoiris Timor-Leste (ATL) apoiu husi Uniaun Europeia (UE) implementa projetu ema ho difisiensia (EhD) no komunidade lesbian, gay, bisexual, transgender, queer and intersex (LGBTQI+) tarjetu iha suku 12 iha munisipiu Dili, Ainaro No Ermera.

Projetu ne’e foka liu ba intervensaun rua (2): a. Promove igualdade, inkluzaun no respetu ba diversidade ba ema hotu-hotu,liu-liu EhD no LGBTQI+, kombate estigmatizasaun, diskriminasaun no violensia hasoru grupu sira ne’e; b. Apoiu direitu umanu hotu-hotu ne’ebe esensial ba dignidade umanu, inklui responde ba nesesidade baziku sira i.e.edukasaun no formasaun profisional, promove kondisaun servisu ne’ebe di’ak ba EhD no LGBTQI+ no hametin protesaun legal ba grupu alvu sira liu husi advokasi hodi hametin lejizlasaun nia  sensibilidade ba EhD no LGBTQI+.

Bazeia ba komitmentu ne’ebe mak estabelese ona iha projetu ida ne’e, PITL no co-aplikante fahe ona informasaun kona ba projetu ne’e hamutuk ho etakeholder (parte interesada) no lina ministerial relevante sira hodi foti desuzaun ba asaun sira ne’ebe mak iha relevasia servisu.

Ho nune’e PITL AHDMTL & ATL sei organiza treinamentu kona-ba sexual orientation, gender identity, gender expression and sex characteristics (termu ingles: sigiesc ka orientasaun sexual, identidade jeneru, espresaun jeneru no karakteristika sexual ba jornalista nasional np lokal husi dili ainaro & ermera no steering committe (komisaun diresaun) sira.

Ba Radio Komunidade Maubisse Mauloko Formadora Ean husi Arquiris hateten katak;

“Objetivu husi treinamentu ne’e mak atu: promove padraun diretus umanu internasional ne’ebe relasiona ho asuntu SOGIESC no atu proteje protagonista sira hodi asegura katak ema hotu-hotu maske, sira nia orientasaun sexual ka identidade jeneru, simu tratamentu ne’ebe justu no hanesan tuir lei”.

Nomos Formadora Elan Hatutan liu tan katak;

“Aleinde ida ne’e mos hodi haforsa kapasidade no sensibilidade jornalista/media sira-nian kona-ba terminolojia ema ho defisiensia no LGBTQI+ sira, inklui oinsa atu halo relatoriu inkluzivu ba labarik no foin sa’e sira.

Treinamentu ne’e halao durante loron rua iha salao rede feto Farol Dili Timor Leste, no hetan participasaun husi Media Nasional balun Media Officer Governu nian balun hanesan ministeriu save sira, inklui Radio Komunidade Maubisse mauloko, lian orluli Ainaro, Radio Café Ermera no TV Café Ermera.

Programa ne’e hetan suporta husi Uniaun Europeia no implementa husi Plan Internasiona Timor Leste.

Jornalista : Natalino Jose do Rego Mendonç

Editor        : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments