Idoza Amelia & Natalia Kondisaun Dificiensia, Susar Wain Tebes Buka Moris Iha Moris Lor Loron Hodi Bele Sustenta Moris

2
115 views

Idoza Rua ne’e Amelia & Natalia,Hela iha Aldeia Hohulu Suku Fatubessi Maubisse, No Idoza Amelia da Conceição dos Reis ninia dokumentus lakon no Aleizada nune’e Labele hetan beneficio hanesan beneficiaria ba osan Idoza.

Racom Maubisse-2024, Moris nudar ema iha knua ida, lidun ida mai ho situasaun ne’ebe la hanesan, balu riku, balun moris ho kondisaun diak naton, no balu moris ho kondisaun ne’ebe susar tebes.

Kestaun riku no kiak la sai sasukat ba ita ema, tamba maske riku iha sasan hotu, maibe kondisaun saude la permite buat hotu sei la furak, maibe situasaun ne’ebe akontese ba Idoza Amelia da Conceição dos Reis Husi Aldeia Hohulu Suku Fatubessi Maubisse, ita imajina la hetan.

Realidade moris iha kada ema ida ho ema seluk la hanesan, tama Maromak kria ema ida ho ema seluk depende ba ida idak nia liman tanen, no segredu moris iha hela ita nia liman tanen rua, karuk no los.

Ita moris iha cidade, municipiu, posto nia le’et kuandu hasoru susar ruma, lalais deit ema barak hatene hodi hakbesik ita nune’e sira bele husu oinsa kondisaun moris iha familia, nune’e lalais deit ita bele hetan netik tulun ruma, maibe se wainhira ita moris iha knua no lidun ne’ebe dok husi cidade, susar tebes atu asesu ba informasaun no susar ne’ebe ita hasoru ema barak mos sei la hatene, hanesan saida mak oras ne’e dadaun Idoza Amelia da Conceição dos Reis Husi Aldeia Hohulu Suku Fatubessi Maubisse hasoru dadaun.

Relasiona ho situasaun ne’ebe mak Idoza Amelia da Conseisaun dos Reis hasoru iha nia hela fatin hohulu fatubessi maubisse, jornalista radio komunidade Maubisse Natalino Jose Mendonca do Rego, hakat-an ba suco Fatubessi hodi halao intervista ida ho Idoza Amelia da Conseisaun dos Reis konaba nia kondisaun moris lor loron relasiona ho moras ne’ebe oras ne’e dadaun idoza ne’e, hasoru hela.

Ama diak ka lae?

Hatan ba pergunta simples husi jornalista Natalino, idoza Amelia, ho lian neneik responde ho lian mamabae katak;

“Au kode beil mais au oe kidia fe fun au lolai ba kode” (ha’u diak hela maibe ha’u nia ain ne’e mak halo hau lao la diak)

Ama nia dokumentus sira konaba atu tarata osan idoza nian ne’e iha ka lae?

“Surat sira nei beil munin au oen hi kode beil oid la chefe suco fun te sis, nor au sium te os ida lalan id, mais agora au ba sium id tan lani tu au kalan banei her surat, ida fe agora au ba sium os ida id”.

(Dokumentus sira ne’e uluk ha’u iha, tamba uluk ha’u nia ain sei diak lori ba chefe suco tarata ona, no osan ne’e, ha’u simu dala ida ona, maibe agora hau la simu ida ida, tamba dehan hau nia naran iha lista laiha, nune’e mak to’o agora hau la simu osan)

“Ha’u la hatama dokumentus sira maske chefe do suco hateten ona, maibe tamba hau nia ain moras no lao la diak no ami hela dok uitoan sae raelolon labele nune’e mak hau la ba sede suco hodi tarata dokumentus konaba idoza nian”.

Idoza ne’e hatutan liu tan katak “Tamba ha’u nia ain moras nune’e lao la diak, sae rai lolon mos raska, laos chefe do suco deit mak dehan atu ba tarata dokumentus sira maibe familia no vijinho sira mos obriga ha’u tenke ba hatama dokumentus nune’e bele hetan osan idozos nian”.

Idoza Amelia da Conceição dos Reis ho lian neneik no liman ba rentos ho lia mambae haktuir “dokumentus kida lalan sir au mleuk beil her kantor desa mais au ba tebeil her kurlalan ka ailalan id balos aufe matenek lalai au itad tu surat kida au li her id be, se leob im urus beil ma tan lani au kbit ba rat id”.

Dokumentus sira  ne’e dala ruma hau haluhan hela iha sede suco, mais hau la soe iha dut laran ka ai laran e laos hau mak matenek nune’e hu bele hatene no tau iha ne’ebe, sebele imi urus hela mai tamba hau kbi’it la to’o no kondisaun moras. Haktuir Idoza Amelia da Conceição dos Reis.

Hatan ba situasaun ne’ebe maka Idoza Amelia hasoru dadaun iha Suco Fatubessi Chefe do Suco Fatubessi Bonifacio Pereira Mendonça hateten katak;

“Dokumentus senhora Amelia nian ne’e ha’u eleitu nudar sefe suku nee hau ba hare kedas nia prloblema nee mak ate agora nia dokumentus  hanesan sertidaun mos laiha tamba nee mak difikulta hela nia ita, agora atu ba trata nia sertidaun RDTL ka BI par nia atu bele asesu ba idozus mos araska uituan”.

Lideransa Komunitariu Suco Fatubessi ne’e haktuir liu tan katak relasiona ho Idoza Amelia nia dokumentus sira lakon no laiha ne’e;

“Ha’u konfirma duni no buka iha eskritoriu sede suku nian nebe mak uluk dehan katak nia mai hatama hodi simu ona osan dala ida, maibe agora nia kartaun eleitoral nee lakon ate agora laiha tia, no to’o agora seidauk urus fali tamba tia ne’e lao la diak no atu lori ba municipiu hodi tarata karataun eleitoral no dokumentus sira seluk araska los”.

Husu konaba durante ne’e hetan apoiu ruma husi MSSI ka lae? Chefe Suco Fatubessi ne’e akresenta;

“Hetan apoiu husu MMS nee talves fulan 6 ka fulan 3, sira sempre lori hela foos saku ida ka rua, supermi biti, kaneka, hodi apoia hela, maibe laos bebeik”.

Ho situasaun ne’ebe Idoza Amelia da Conceição dos Reis hasoru iha nia moris no labele halao aktividades lor lorin hodi sustenta nia moris iha Suco Fatubessi aldeia hohulu, nune’e mak Chefe do Suco haktuir katak;

“Durante ne’e fo hanoin nafatin ba nia maun rasik ho nia familia sira para esforsu tarata Idoza Amelia da Conceição dos Reis nia sertidaun iha igreja, maibe ate agora sira seidauk fo hatene, tamba ne’e mak hau husu nafatin parte familia atu bele ba iha kartorio paroquial Maubisse para bele halo nia sertidaun nune’e ha’u bele halo deklarasun para prosesu bele halo Sertidaun RDTL ho BI nune’e ba oin bele ba tarata fali Idoza Amelia da Conceição dos Reis nia dokumentus ne’ebe falha hela”. Haktuir Chefe do Suco Bonifasio Pereira Mendonsa.

Moris ne’e babain ema dehan facil hodi atinji objektivu, maibe dala ruma moris ne’e susar wain tebes hanesan saida mak  Idoza Amelia da Conceição dos Reis ho Idoza Natalia Hasoru dadaun iha Aldeia Hohulu Suku Fatubessi Posto Administrativo de Maubisse, ne’ebe ninia dokumentus lakon no Aleizada nune’e Labele hetan beneficio hanesan beneficiaria ba osan Idoza ho tan direitu seluk.

Jornalista : Natalino Jose do Rego Mendonç

Editor        : Joaquim Coutinho

0 0 votes
Article Rating
Subscribe
Notify of
guest
2 Comments
Oldest
Newest Most Voted
Inline Feedbacks
View all comments
Eus
Eus
21 days ago

Favor hadia lai fuan invalidu “Aleizada ho lia fuan Validu “Difisiensia Fiziku/a”obrigadu