Racom Mauisse (26/01/2024) Xefe Aldeia Manumera Suku Mulo Postu Administrativu Hato-Builiku Munisípiu Ainaro hateten ida ne’e ba Jornalista Rádiu Komunidade Maubisse Mau-Loko hafoin relata dadus vitima afetdu dezastre ba Xefe Suku Mulo José Flrindo de Andrade Sesta Feira ne’e.

“Hanoin katak iha tinan ne’e hau nia Komunidade infrenta hamlaha, tamba agora batar no koto iha tós laran foin maka funan maibe hetan estragus totál husi Natureja Anin bót ne’ebé maka oras kuntinua nafatin. It a bele dehan populasaun iha Aldeia Manumera ne’e hamutuk Xefe Familia 126 husi ne’e maioria moris ho vida agrikultor, tamba ne’e husu ba Governu tau matan no fó apoiu netik aihan ruma ami nia Komuidade sira”. Tenik Afonso Verdial 26/01/2024.

Kona-ba Uma Komunidade nian iha 1 maka hetan estragus total ho tan Igreja. No mós Rin no Fiu Eletrisidade ne’ebé maka povu sira asesu ba naroman hetan estragus totál tamba fiu monu hotu ba rai inklui rin sira mós kleuk hotu, tamba ne’e husu ba Kompañia ne’ebé maka toma konta obra ne’e bele mai kuntinua hadia fila fali tamba seidauk entrega.” Hateten Xefe Aldeia Ne’e.

Jornalista                     Moises Magno

Editór                          Joaquim Coutinho