Racom Maubisse (01/01/2023) Selebra Natál Tinan 2023 no Simu Tinan Foun 2024 iha Paroquia Imaculado Coração de Maria Maubisse (PICOMA Sigla Portugés) Preinse ho Aktividade, Konkorsu Solo Vokal no Banda Koremetan ne’ebé Aprejenta husi Foinsa’e Maubisse Nia Oan Sira  ho nia tema importante maka “NEON BADAEN HADOMI HAU NIA TALENTU HODI SERBI BA MAROMAK ”, Ho nia Objetivu Ita Maka Igreja No Igreja Maka Ita.

Aktividade ida ne’e ralija tamba inisiativa husi Amu Pároco Maubisse Pe João Saores hamutuk ho Frater sira liu husi Komisaun ne’ebé maka Lidera husi Direkóra Exekutiva Hospital Referal Maubisse Gabriela da Conceição Magno Pereira Hanesan Prezidente Komisaun. Maske Komisaun ne’e hamrík semana tolu deit maibe aktividade ne’e realija ho susesu no iha loron 01 fulan Janeiru 2024 hanesan loron ikus ba finalizasaun aktividae ne’e.

“Inisiatuva ba realizasaun ita nia konkursu ida ne’e mai husi ita nia Amu Pároco rasik hetan apoiu makas husi Frater sira, hamutuk ami harí komisaun ida ne’e. Komisaun ida ne’e ita bele dehan katak, hamrík semana tolu deit maibe ita basa liman tamba bele realija aktividade ida ne’e”. Hateten Prezidente Komisaun Organizadora Gabriela da Conceição Magno Pereira 01/01/2023.

“Ita nia tema ba Konkorsu ne’e maka “NEON BADAEN HADOMI HAU NIA TALENTU HODI SERBI BA MAROMAK ”, Ho  Objetivu katak, Ita Maka Igreja No Igreja Maka Ita.   Iha ne’e mós atu dehan ba ita hotu katak sira ne’ebé maka mai rejistu husi Kapela sira husi Suku sira ba Banda Koremetan iha Grupu 6, ba Solo Vokal hamutuk nain 11. Tama Tó  final ne’e ita hare katak ba Solo ema nain 6 ba Banda iha 4”. Dehan Prezidente Komisaun Organizadora.

Gabriela da Conceição Magno Pereira kuntinua relata liu tan orsamentu ba Realizasaun Atividade ne’e hetan Kontribuisaun mai husi Sarani Paroquia Maubisse ho entidades relevantes sira Iha Maubisse  ho totál osan Dolares Rihun Rua  Lima Nolu.

“Fundus mai husi ita Sarani sira, Familia, Kompañia sira, husi Instituisaun sira ita nia Membru Governu balun, husi ita  nia eis Deputadu balu, no mós husi Grupu Katgorial balun, ne’ebé totál orsamentu ne’ebé ami simu hamutuk Dolares $. 2.050   (Rihun Rua  Lima Nolu), uja ba aktividade sira durante loron tolu ne’e husi preparasaun tó iha final ida ne’e, tamba ne’e lori Komisaun Organizadora nia naran agradese tebes ba ita hotu nia suporta. Hanesan ita hotu hare no hatene katak ekipamentu ne’ebé tau iha Palku leten ne’e ho deit ita nia osan ne’e la tó maibe atu hato hela ba ita hotu katak suporta ne’e mai husi Sr. Marcelino Maubisse Oan, Sr. Paul Maubisse Oan, no mós husi Sr. Inacio Moreira ne’ebé maka suporta hotu husi Dili Mai maka ekipamentus no istrumrntu sira ne’ebé maka ita uja. Ikus atu ható deit agradesementu ba Amu Pároco tamba ho Amu nia Inisitiva maka ita bele realija aktividade ida ne’e atu selebra ita nia Natál no mós Tinan Foun, tuir mai ba Sr. Administrador, Xefe Suku Sira, Madres sira no Mós ba  Katekista sira hotu ne’ebé maka haruka ita bót sira nia ema mai tuir aktividade ida ne’e.” Relata Prezidente Komisaun Organizadora.

Fatin hanesan Amu Pároco Maubisse Padre João Soares ne’ebé maka hanesan inisiador  ba Aktividade ida ne’e iha Maubisse hateten;

“Ita bele halo buat ruma iha Natál ka lae, ida ne’e maka sai husi hau. Agora ekipa maka fera ulun ho Prezidente,  no hau nunka hanoin katak buat ne’e tenki akontese hanesan ne’e hau hanoin simples los maibe akontese mai fora husi hau nia espetativa entaun ida ne’e fó fali mai hau mehi seluk ida mas depois. Ne’ebé hau hakarak ható parabens ba Prezidente ho Ekipa Komisaun Juri sira, ho hau nia Dewan sira hakarak mós agradese ba Katekista sira mai husi Kapela-Kapela, Nai Xefe Suku sira. Atu dehan mós Nai Administrador katak Paroquia bele hanoin halo buat ruma maibe se laiha autorizasaun, se laiha kóperasaun ho Nai Administrador, Xefe Suku sira ne’e ita labele lao, ne’ebé hau konsiente katak buat sira ne’e lao ne’e tamba ita bót sira nia Apoiu. Ne’ebé hau hakarak dehan ba ita bót sira katak buat sira ne’e lao laos hau nia inisiativa maibe hau ható pregunta deit inisiativa ho buat hotu ne’e Komisaun maka halo tamba ne’e hau hakarak agradese ba Komisaun Kompostu husi Mestre sira, Frater sira ne’ebé maka organiza buat ne’e kapás tebes ita mós hakarak agradese ba Sr. Inacio ne’ebé maka ho laran luak ofrese ekipamentus sira mai”. Hateten Amu Pároco.

Biban ida ne’e mós  Intervensaun Administrador Postu Administrativu Maubisse hateten, Nia Parte agradese ba Inisiativa Amu Pároco nian loke konkorsu ida hodi anima Povu no Sarani Postu Administrativu Maubisse, liu-liu loke opurtunidade ba Joven sira.

“Ksolok bót ida ba Sarani Maubisse maske ita nia Amu Pároco foin maka fulan 6 iha Maubisse maibe ho inisistiva ida ke bót tebes hodi hamosu aktividade ida ne’e hodi bele fó ksolok ba ita hotu liu-liu loke opurtunidade ba Joven sira. Ne’ebé agradese ba mós ba Konkorente sira husi Solo Vokal no Banda Koremetan sira. Ami hein katak aktividade sira hanesan ne’e ita sei hamutuk ho Amu bele iha nafatin hodi bele anima ita nia Joven sira, tamba ita hatene katak ita nia Joven sira potensial tebes maibe ema ida iha inisiativa organiza iha públiku hanesan ne’e maka difisil tebes. Tamba ne’e dala ida tan ami agradese ba Amu ba oin aktividade hanesan ne’e bele iha nafatin para fó ksolok no fó animasaun ba Joven sira no sira bele hatudu sira nia talentu espesial iha Postu Administrativu Maubisse, Paroquia Imaculado Coração de Maria Maubisse, ita nafatin ho esperansa katak ba futuru oin mai Joven sira bele hatudu sira nia talentu sira hanesan iha Nivel Nasional.” Hateten Administrador Postu Administrativu Maubisse Munisípiu Ainaro.

Enterntatu durante Selebrasaun Missa Natál 2023 no Simu Tinan Foun 2024 iha Paroquia Maubisse Situasaun Lao hakmatek no Kontroladu tamba hetan Seguransa Másimu tebes husi Membru PNTL Esquadra Maubisse.

Jornalista         Moises Magno

Editór              Joaquim Coutinho