Racom Maubisse (22/11/2023) Relasiona ho Komemorasaun Loron Proklamasaun Indepdensia 28 fulan Novembru ba dala 48, no Seremonia Tomada de Pose ba Xefe Suku Eleitu no Re-Eleitu  ne’ebé sei realija iha Postu Administrativu Maubisse Munisípiu Ainaro, Komandante Polisia Nasional Timor Leste (PNTL) Esquadra Maubisse Inspektur Polisia Adolfo Brandão Silva Mota Husu Foinsa’e no Kimunidade Maubisse Nafatin Kria Paz No Estabilidade.

“Iha ne’e hau hakarak apela ba Komunidade Postu Maubisse katak hau hakarak ita bót sira kopera fó apoiu másimu mai iha seguransa atu bele fó segransa ba iha Seremonia 28 de Novembru ba dala 48 iha Maubisse, no Seremonia Tomada de Pose ba Xefe Suku Eleitu no Re-Eleitu sira bele lao ho diak atu labele sai hanesan Postu sira seluk. Tamba ne’e ita hakarak hatudu no sai fali ezemplu ba postu sira seluk”. Husu Komandante PNTL Esquadra Maubisse Liu husi Via telefoni Kuarta ne’e 22/11/2023.

Biban ida ne’e mós ba Autoridade Suku ne’ebé hetan ona fiar husi Povu Inklui membru Konsellu Suku iha Postu Administrativu Maubisse Autoridade Seguransa  Postu Maubisse hateten;

“Hau fiar katak ita bót sira sai ona Lidernsa iha Suku husu ita bót sira tenki halo programa ne’ebé maka diak para Povu sir abele senti. E Prokipasaun sira ne’ebé maka Povu sira ható ita bót sira tenki atende ho maturidade ne’ebé maka diak”. Husu Autoridade Seguransa Postu Maubisse ne’e.

Adolfo Brandão Silva Mota Kuntinua hatutan, konba-ba preparasaun huis PNTL Esquadra Maubisse hodi Asegura eventu imortante ne’e, nia parte konvoka ona ekontru ho membrus sira hodi garante Paz no Estabilidade hahú husi Loron 25 tó nia finalidade ne’ebé sei akontese iha Loron 28/11/2023 iha Maubisse.

Entertantu totál Membru PNTL Esquadra Maubisse hamutuk nain 17, kompostu husi Mane 16 no Feto 1.

Jonarlista                     Moises Magno

Editór                          Joaquim Coutinho