Missa ba Santo no Santa Sira Iha Paroquia Maubisse, Padre Henrique de Deus Haktuir: Kristu Mak Ulun Sarani Sira Mak Liman Ain no Apostulo Sira Mak Aliserse

0
28 views

Racom Maubisse, 01/11/2023, Tradisaun Igreja Katolika Foti dia um hanesan loron ba santo no santa sira ne’ebe igreja iha mundo tomak sempre selebra loron ida fulan Novembro ne’e hanesan loron ba santo no santa sira.

Iha Homilia, Padre selebrante Henrique de Deus hateten katak, “Nudar Maromak oan tuir lolos ita hatais mutin tamba ita simu ona batismu,  identidade Maromak oan nee  ita hetan iha batismu, ita iha batismu mak ita sai Maromak oan tamba ita simu ona mina sarani nebe tau ona iha ita nia hirus matan, kasu ita nia sala original halo ita sai sarani”.

“Wainhira tau mina krisma iha ita nia rentos hodi foti ita nudar Nailulik, profeita no liurai  iha Cristu nebe Nai lulik boot no profeita boot no liurai boot, ne’e ita nia identidade mak ida nee. S.  Joao mos hakerek  nia primeira karta koalia mos konba moris ema santo sira nian”.

“S. Joao Escolante ida ne’ebe klosan liu no joven liu apostulu hotu hotu no nia mak ida nebe ikus liu no katusas liu husik mundu ida nee, to katuas didiak hafoin husik mundu ida nee, tamba ne’e São João hakerek mai ita evangelio  ida nebe mak reflete klean kona ba misterio   Maromak nian  iha Santisima trindade, liu liu koalia kona ba Cristo nebe nudar Maromak nia liafuan no horik nanis ona ho Maromak hodi nia mak Maromak kria buat hotu, no Nia mai nudar Maromak tamba nia saran-an  ba mundu nee hetan naroman”.

Nai Jesus Nia Futar Lia Fuan haktuir dehan iha   esforsu ne kiak iha laran, kiak iha espiritu  katak “Buat mundu nee iha hotu maibe labele atu okupa ita nia fuan, ita nia laran, ita nia klamar, no ita  espiritu labele okupa ho buat at. Tamba ne’e bele iha buat hotu, iha agrikultura, osan  iha uma, kareta oan kaben bele iha hotu, maibe labele okupa fuan, fuan ida nee, laran ida nee, espiritu ida nee, desde ita simu ona Batismu sai ona   espiritu santo, liu husi epiritu santu ida nee mak horik iha ita no horik mos iha ita nia isin lolon. Maromak Nia  Kreda mak Kristu Nia Isin Lolon, Kristu Mak Ulun Ita mak Liman Ain no apostulo sira mak aliserse. Tamba ne’e, dala barak ita halao ita nia moris ho esforsu-an, ita hatudu  ita nia  identidade nudar Maromak oan, nudar kristu nia liman ain, ita nia ulun nudar ulun ita balu nudar matan, ita balu nudar ibun, ita balu nudar liman ain, hodi fasilita isin ida nee oinsa atu bele hakerek lia nebe eskritura sira halo komparasaun kreda nee ho kristu  nia relasaun hanesan korpu humana hanesan ema nia isin lolon”.

Hanesan sarani ita iha fiar ba ida ne’ebe halo buat hotu maibe keta fiar pedasuk pedasuk deit, ita tenke fiar metin ba Maromak tan Maromak mak hun ho abut ba ita ema nia moris iha mundo ida ne’e nomos mundo ne’ebe aban bainrua ita bate ba sei hela ba moris rohan laek.

Reprtajem Racom Maubisse

0 0 votes
Article Rating
Subscribe
Notify of
guest
0 Comments
Inline Feedbacks
View all comments