SEREMONIA KULTURAL LORON DAHULUK NIAN UMA LISAN TAUID BIOHAR ANTES INAUGURA

0
20 views
Maubisse (28/09/2023) Uma Lisan TAUID BIOHAR nia Lokalizasaun iha Aulara Letuk, Suku Maulau Postu Administrativu Maubisse Munisípiu Ainaro.
Antes tama ba iha Prosesu Inaugurasaun Uma Lisan ne’e, prosesu dahuluk Lia Nain sira husi Uma Lisan ida ne’e liu husi Seremonia kultural ne’ebé halao dahuluk maka Simu Autoridade Estadu Sivil no Militar, Tuir kedan Tuin husi Karau Aman no Karau inan, inklui Kai no Fetosan sira.
Ba Jornalista Radiu Komunidade Maubisse Mau-Loko Oan Mane da Ha’at husi Uma Mane nian Lisan TAUID BIOHAR Crispin Menezes Tilman Hateten;
“Ohin Ami prepara hodi simu ami nia Tiun Avon sira, ami nia Kai no Feton Sira ba Loron ohin ida ne’e. Tuir Lolos ne’e ami labele Inagura ba dala rua maibe tamba diet uma ida ne’e ami halo foun entaun ami tenki bolu fila fali ami nia familia parentes sira ne’ebé hela iha Munisípiu ne’ebé deit, ami trnki bolu malu halibur hamutuk fila fali para ami bele serbi malu no koiñese malu klean liu tan iha Uma Lisan ida ne’e nia laran.” Hateten Jerasaun Foun Lisan TAUID BIOHAR 28/09/2023.
Crispin Menezes Tilman Kuntinua haktuir liu tan katak hahú husi loron 28-29 fulan Setembru 2023 Simu Umane no Feto San Antes tamba ba Prosesu Ikus Inaugurasaun.
“Sim ohin ne’e ami simu Umane, Aban mós ami sei kuntinua nafatin simu ami nia Feto San Sira.”Dehan Crispin.
Entertantu Uma Lisan TAUID BIOHAR Kompostu husi Lidun Feto No Mane, Konstrusaun dahuluk ba Uma Lisan ne’e hahu iha loron 24 fulan Juñu Tinan 2006 tó iha loron 18 fulan Otubru 2007. No Kuntinua hikas nia Konstrusaun iha Loron 12 fulan Otubru Tian 2010 ho total Orsamnetu ne’ebé kontribui husi Familia Lidun rua hamutuk Dolares Rihun Ha’at Resin. Haktuir Crispin Menezes Tilman ba Jornalista Radiu Komunidade Maubisse Mau-Loko RKMM.
Tamba ho Durasaun ne’ebé kelur Tinan 15 kondisaun Uma kuntinua at tamba ne’e familia husi Lidun rua túr hamutuk ba halo konstrusaun foun Uma Lisan ne’e, no ba Oras ne’e dadaun tama ba Prosesu Inaugurasaun fulan ne’e.
Jornalista Moises Magno
0 0 votes
Article Rating
Subscribe
Notify of
guest
0 Comments
Inline Feedbacks
View all comments