Misaun No Vizaun HRMBS Ne’ebé Fo Prestasaun Saude Sekundaria No Tersiariu Ho Kualidade Ba Ema Hotu

0
58 views

Racom Maubisse (21/09/2023) Direktur Servisu Administrasaun Hospital Referal Maubisse Placido da Conceição ható ida ne’e wainhira sai hanesan Orador iha Diálogo ho membru Rede ba Saude Timor Leste (REBAS-TL) Organiza husi Forum Ong Timor Leste (FONGTIL) Apoiu Husi USAID iha Salaun Paroquia Imaculado Coração de Maria Maubisse Kinta feira ne’e (21/09)

Placido hatetetn Existensia Hospital Referal Maubisse bajeia ba Dekreitu Lei Nu.1/2005 30 de Maiu, ho nia Regulamantu Internu Hospital Referal Maubisse nian tinan 2008, no Lei sistema Saude Nasional Nu.10/ 2004.

“Ne’e baje Legal Existensia Hospital Referal Maubisse. Vizaun Hospital Referal Maubisse Maka sai Instituisaun ida ne’ebé fó Prestasaun Saude Nivel Sekundaria no Tersiariu ho Kualidade, diferente iha ne’e maka ninia prestasaun ne’e maka foka liu ba Sekundaria ho Tersiariu agora se hanesan ne’e primaria ne’e iha ne’ebé? Primaria ne’e maka iha Postu Tratamentu mai tó Sentru Saude Internamentu.” Tenik Direktur Servisu Administrasaun Hospital Referal Maubisse.

“Nia Misaun maka ne’e Garante Prestasaun Kuidadu Saude Sekundaria ho Tersiariu ho kualidade no asesu ba Populasaun tomak. Bajeia ba Estatuto Regulamentu Hospital Referal Maubisse area kobertura Hospital Referal Maubisse Laos Maubisse deit Maibe liga ba Munisípiu karik Ainaro, Aileu, no Manufahi, ligdu ba kobertura ne’ebé asesu mai Hospital Referal Maubisse Aileu ne’e 25% deit tamba sira iha Postu Administrativu 4 Remexiu, Liquidoe, Laulara, no Aileua Villa so Aileua Villa deit maka mai Baiza iha Hospital Referal Maubisse Liquidoe, Laulara, no Remexio sira ba hotu iha Quido Valadares Dili. Tamba ne’e maka 100% ne’e mai husi Same ho Ainaro, 25% husi Munisípiu Ailaeu.” Relata Direktur Servisu Administrasaun Hospital Referal Maubisse Placido ba Membru Sosiadade Sivil Husi Munisípiu Ainaro, Aileu, Manufahi, no Munisípiu Covalima iha Salaun Paroquial Maubisse.

Entertantu Liga ba Rekursus Humanus iha Hospital Referal Maubisse ho totál Funsionariu iha 119 (Atus Ida Sanolu Resin Sia) Kompostu husi Médiku ba tó iha Servisu Administrasaun. No Apoiu ne’ebé maka Fornese husi Komapñia maka hanesan Presoal Seguransa iha 26 (Rua Nolu Resin Ne’e), No Pesoal Limpeza iha Nain 50 (Lima Nolu) Inklui ho Ekipa Fornesementu Hahan ba Pasiente.

Ho diálogo ida ne’e hanesan parte ida bele servisu hamutuk diak liu tan ho Diresaun no Departementu sira husi Ministériu Saude hodi bele fahe informasaun regularmente atu hametin sistema saude iha Timor-Leste no lori moris Saudavel ba Povu Timor-Oan hotu.

No Aktividade ida ne’e Organiza husi FINGTIL no Rede ba Saude Timor-Leste (REBAS-TL) apoiu fundus husi USAID.

Orador ba Diálogu ne’e mai husi Sekretáriu Administrasaun Munisípiu Aileu, Reprejentante Administrador Munisípiu Ainaro, Manufahi, no Dorektur Servisu Administrasaun Hospital Referal Maubisse.

Jornalista Moises Magno

Editor Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments