Racom Maubisse (07/09/2023) Prezidete Kóperativa COCAMAU Julio Mendonça Martins  hateten ida ne’e ba Jornalista Radiu Komunidade Maubisse Mau-Loko (RKMM) hafoin halo Pagamentu ba membrus produsaun Kafé hamutuk Grupu 28 iha Aramajen COCAMAU Maubisse, ho totál orsamentu hamutuk $ 300.000 (Rihun Atus Tolu), ho kuantidade Kafé hamutuk tonelada 110 (Atus Ida Sanolu)

“Kafé sai hanesan rekursus ida ke permanente tamba ita presija  hadia ita nia Kafé diak hanesan ita kria hela Banku ida ba ita jerasaun foun tuir mai. Hau bele dehan katak Kafé hanesan Rekursu ida ke fó rendementu diak na ita nia mebrus no ita Komunidade sira rohan laek”. Hateten Julio Mendonça Martins 07/09/2023.

Tamba ne’e ba Membru Grupu hamutuk 28 ne’ebé simu dadauk pagamentu ba rejultadu Produsaun Kafé Prezidente COCAMAU ne’e iha nia Mensajen husu;

“Lia menon liu-liu ba membrus Kóperativa COCAMAU ita bót sira tenki servisu makas tamba ita servvisu makas maka ita bele  produs produtu ida ke ho kualidade maka ita foin bele halo distribuisaun ba merkadu. Liu husi ne’e maka ita bele hetan nia rendementu iha ne’ebá hodi responde ba nesasidade ekonomia familia. Se ita la servisu entaun ita labele produs ita nia produtu ida ho kualidade.” Hameno Prezidente Kóperativa COCAMAU aktual Xefe Suku Edi Postu Administrativu Maubisse Munisípiu Ainaro.

Jornalista                     Moises Magno

Editór                          Joaquim Coutinho