Grupu Cocamau 7 Iha Maubisse Seidauk Simu Pagamentu Rehabilitasaun Kafé Husi Governu

0
25 views

Maubisse (07/09/2023)  Prokupasaun ne’e ható husi Prezidente Kóperativa COCAMAU Maubisse Aktual Xefe Suku Edi Julio Mendonça Martins Kinta feira ne’e iha Armajen COCAMAU.

Julio hateten durante ne’e problema ne’ebé maka  membru Kóperativa sira hasuru liga liu ba Rehabilitasaun Kafé hodi hasae diak liu tan kualidade no kuantidade produsaun Kafé iha tempu oin mai. Tamba ne’e  Apoiu Governu husi Ministériu Agrukultura ho Asosiasaun Kafé Timor (ACT) halao ona Rehabilitasaun  ba Grupu Komunidade Produtores Kafé iha Maubisse iha Grupu balun halo ona pagamentu maibe hela Grupu 7 maka la dauk halo pagamentu.

“Problema ne’ebé maka Kóperativa hasoru maka kona-ba Rehabilitasaun Kafé. Durante ne’e Governu Ministériu Agrikultura ho Asosiasaun Kafé Timor iha balun halo ona pagamentu falta grupu 7 maka seidauk halo pagamentu ida ne’e maka problema ne’ebé Kóperativa hasoru, no hetan mós kritika husi ita nia membru sira dehan katak halo oinsa maka ami nia maluk sira seluk hetan pagamentu ami seidauk hetan.” Dehan Prezidente Kóperativa COCAMAU 07/09/2023.

Aktividade Rehabilitasaun Kafé ne’e iha tinan 2022 – 2023. Ho ida ne’e Prezidente Kóperativa COCAMAU ne’e husu Nunou Governu liu husi Ministériu Agrukutura atu kuntinua nafatin programa Rehabilitasaun Kafé hodi garante Kualidade no kuantidade Produsaun Kafé ba Jerasaun sira tuir mai.

Entertantu Mebru Grupu ne’ebé maka hamahan-an iha Kóperativa COCAMAU Maubisse hamutuk Grupu 28.

Jornalista         Moises Magno

Editór              Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments