Mestri Boot KORK Jose Dos Santos Naimori “Bukar” Loke Abertura Treinamentu KORK Iha Postu Administrativu Maubisse Ho Tema “Hakmatek Mai Husi Paz No Dame”

0
55 views

Racom Maubisse 19/08/2023 Administrador Postu Maubisse Hamutuk Ho Mestri Boot Jose Naimori Bukar Loke Hikas Atividade Treinameentu Ba Organizasaun KORK Iha Aldeia Urahou, Suco Maubisse Villa, Postu Administrativu Maubisse Munisipiu Ainaro.

Ba jornalista Radio Komunidade Maubisse Mauloko, Administrador Posto Maubisse, Claudino Mendonça, hateten katak; Ohin loron 19 Fulan Agostu 2023 Autoridade Postu Maubisse hamutuk ho Mestri Boot KORK no parte seguransa PNTL Esquadra Maubisse, ofisialmente loke abertura ba organizasaun KORK iha Posto Maubisse.

Administrador Posto Maubisse ne’e salienta liu tan katak, Nasaaun Republika Demokratika De Timor Leste ninia dezenvolvimentu atu lao ba oin konta ho ita hotu, tanba ita nia nasaun presija tebes imi no hein hela imi, tamba ne’e tau iha ulun todan karik tau mai kabas tanba ita hotu assume hela responsabilidade boot atu lori nasaun nee ba oin liuhusi prosesu dezenvolvimentu, no Maubisse atu lao ba oin respeita malu, hadomi malu no konsidera malu  nee mak importante. Tamba organizasaun hothotu iha Postu Administrative Maubisse hanesan povu Maubisse nia riku soin, entaun hakribi konflitu tamba Maubisse nia diak no furak iha ema maubisse nia liman.

Iha Fatin Hanesan Komandante PNTL Postu Maubisse Adolfo Brandão Mota, Agradese ba Organizasaun Tolu Hanesan PSHT KORK no IKS PTL, tanba kontrbui ba paz durante eleisaun presidesial no parlamentar, e hau hanesan komandante nunka rejistu kazu ruma konaba organizasaun tolu nee inklui arte rituais iha Postu Administrative Maubisse.

Iha parte seluk Komandante PNTL Maubisse ne’e, garadese ba kordenador organizasaun hotu inklui arte rituais hotu bele kordena ho hau hodi halao serbisu hamutuk, foin daudauk PSHT gradua iha Ainaro hau sempre kopera ho kordenador  organizasaun hotu hodi lao tuir regras no sira hotu kumpri no konsege lao hakmatek tebes.

Mestri Boot Jose Naimori Bucar: Organizasaun Ketak-Ketak Maibe Ita Husar Talin Ida Deit, Tamba ne’e Mestre bo’ot KORK Jose dos Santos Naimori Bucar, hato’o agaradese ba Ministeriu Juventude Desportu Arte no Kultura Nono governu konstitusional tamba bele fo opurtunidade nafatin mai ita iha hanoin boot ida iha nasaun Timor Lese nebe kiik maibe iha preparasun nebe diak atu apoiu arte marsiais.

ohin hau koalia iha fatin nee hanesan Mestri Boot KORK nian, maibe aban hau hatais baibain hanesan povu Timor Leste, maibe ita tenki reispeita malu no hanoin ida deit ho sentido estadu atu dezenvolve rai nee ba povu nia moris diak maka buat ida hakmatek.

Entretantu atividade reativa treinamentu ba arte marsiais KORK partisipa husi lideransa mestri boot KORK Jose Dos Santos Naimori Bukar, Komanadante PNTL Posto Maubisse, reprezentante PSHT, IKS PTL, no Arte Rituais sira iha Posto Administrativo Maubisse Municipiu Ainaro.

Jornalista    :Natalino Mendonca

Editor          :Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments