OE-CUSI (14/08/2023) Konsellu Imprensa Timor-Leste (CI sigla Postugés), servisu hamutuk ho Australian Broadcasting Corporation (ABC) Departementu Dezemvolvementu Internasional, fasilita formasaun durante loron 3 ba Jornalista Timor-Oan sira kona-ba “Journalism Fundamentals Training” atu hametin no hasa’e diak liu tan abilidade jornalista sira nian liga liu ba iha kobertura no públikasaun Nutísia.
Formasaun ba Loron dahuluk nian ne’ebé realija iha Rejiaun Administrativu Espesial Oekuse (RAEOA) partisipa husi Jornalista Nasional no Radiu Komunidade sira hamutuk nain 24.
Liu husi intervista ho Direktur Diresaun Dezemvolvementu no Análiza Mídia (DDAM) Konsellu Imprensa Timor-Leste Alberico da Costa Junior hateten, objetivu husi Formasaun durante loron 3 iha RAEOA ne’e foka liu ba oinsa maka atu hasae kapasidade no eskil jornalista sira nian iha kontekstu kobertura liu-liu iha servisu redasaun ninian atu bele fó no públika Nutícsia ne’ebé faktual no kredibel ba públiku.
“Formasaun ohin tó Kuarta ne’e onsa atu hasa’e abilidade eskil jornalista ninian iha kontekstu kobertura oinsa sira profesionl liu tan iha sira nia servisu, liu-liu oinsa atu garante servisu redasaun ninia para atu fó informasaun ne’ebé faktual no kredibel ba ita nia audensia sira iha Timor-Leste ne’e”. Hateten Diresaun Dezemvolvementu no Análiza Mídia (DDAM) Konsellu Imprensa Timor-Leste Alberico da Costa Junior 14/08/2023.
Direktur ne’e fundamenta liu tan katak formasau ida ne’e mós hola parte ba rejultadu kóperasaun ne’ebé maka Konsellu Imprensa Timor-Leste halao ho EBC Australia.
“Treinamentu ida ne’e parte ida husi rejultadu kóperasaun entre Konsellu Imprensa ho ABC ne’ebé dadauk ne’e halo hela servisu no misaun iha Timor durante tinan 4. Buat ne’ebé importante liu maka ne’e ita tenki apdeit matenek ne’ebé ita iha tamba Mundu agora ne’e dijitalizadu entaun jornalista ne’e nia evolusaun ne’e dinámiku, entaun formasaun labele para iha ne’e ita kuntinua nafatin. Tamba ne’e maka parte ida Konsellu Imprensa halao ninia misaun oinsa atu hametin kapasidade Jornalista nian liu-liu iha kontekstu kobertura ninia ho públikasaun Nutísia atu garante informasaun ho lolós no kresibel ba ita nia públiku ”. Dehan Alberico da Costa Junior.
Fatin hanesan fasilitadór Micheal husi ABC, hateten, agradese ba jornalista sira nia disponibilidade maske husi fatin dók maibe hakarak aprende liu tan kona-ba servisu sira jornalismu ninian, iha area kobrtura no públikasaun Nutísia.
“Obrigadu tamba maun ho mana sira sae Ró husi dók mai tó iha Oekusi atu aprende. Ita hotu sira ne’e atu aprende buat ruma. Hau iha ne’e ho hau hau nia kolega Caroline no ami iha ne’e, atu aprende buat balun husi ita bót sira espera mós ita bót sira sei aprende fali buat balun husi ami.” Tenik Micheal.
Entretantu Formasaun ne’e hahú segunda no sei termina iha Kuarta loron 16 fulan Agostu 2023 iha RAEOA, Partisipantes jornalista husi Média Nasional, no Jornalista voluntariu husi Radiu Komunidade sira husi Munisípiu.
Jornalista Moises Magno
editor Joaquim Coutinho
