Pasiente Moras Denge Hamutuk 33 Iha Hospital Referal Maubisse Rekoperadu

0
51 views

Racom Maubisse (13/07/2023) Novidade ne’e ható husi Direktur Servisu Administrasaun Hospitál Referal Maubisse Plazido da Conçeicão ba Jornalista Rádiu Komunidade Maubisse Mau-Loko Kinta ne’e iha nia knár fatin.

Direjente Servisu Administrasaun iha Hospitál referal Maubisse ne’e hateten, aprtir husi fulan Janeru mai tó iha Juñu tinan 2023 Pasiente Moras Denge ne’ebé mai halo tratamentu saude iha Hospital Referal Maubisse hamutuk ema 33, no husi númeru ne’e rekopradu laiha ema ida maka lakon vida.

“Apartir husi Janeru mai tó Juñua ne’e, Hospital Maubisse rejista kaju Denge ne’e 33 kajus maibe kaju sira ne’e kuaje rekoperadu laiha kaju mate husi pasiente 33 ne’e.”Tenik Plazidio ba Jornalista RKMM 13/07/2023.

Tamba ne’e nia kuntinua husu ba Komunidade sira, espesialmete ba Maubisse matein no moris iha ambiente ne’ebé maka mós liu husi hadia ita nia uma hun sira atu labele fó fatin ba susuk moris iha ne’ebá.

Alem de ida ne’e nafatin rekomenda no husu ba Komunidade sira atu hakbesik-an ba iha fasilidade saude wainhira hetan moras.

“Mensajen maka ne’e premeiru ita liga ba kaju Denge ne’ebé maka iha, ita sujere no rekomenda ba Komunidade sira atu limpeja uma hun sira importante tebes liu-liu ba ita nia toman sira hanesan biniu ka roda sira kareta ka motor sira  ita husik hela iha ita  nia uma laran, lata sira ka bebidas sira  ne’ebé soe hela kuandu be nalihun iha ne’ebá bele hakiak susuk sira liu-liu liga ba Denge. Tamba ne’e maka presija limbeja ambiental uma kain idak-idak ninian importante tebes. Sigundu wainhira iha síntoma ruma ka moras ita lalikan hein dehan moras todan ba maka telfoni Ambulansia, ne’ebé diak liu maka iha síntoma no hetan moras ruma buka alternative oinsa maka bele hakbesik-an ba fasilidade Saude.” Hameno Direjente Servisu Administrasaun Hospital Referal Maubisse.

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments