Racom Maubisse 13/07/2023 IADE/CDE Fasilita Formasaun Loron tolu Ba Negosiu Kiik (Kin) Kuda Inovativu Negosiu Hanesan Kontinuasaun Husi Atividade (Bin) Buka Ideia Negosiu.
Depois de formasaun, Ba Jornalista Racom Maubisse Chefia IADE/CDE Ivo Valentim Jacob Alegrim Hatete katak, Atividade Ba Loron Ohin Hanesan Atividade Counseling Husi Planu Kompetisaun Inovativu 2023 Nian, etapa dahuluk sira halo rejistu depois tuir mai formasaun buka ideia negosiu (BIN) aliende ida nee, buka ideia negosiu sei halo selesaun ba sira nebe ideia viavel ka diak iha merkadu inovativa nee mak foin hetan selesaun husi komisaun IADE nasional ba sira nain 24 no sira nian 10 maka passa iha formsaun (kin)kalkula ideia negosiu nian.
Objektivu husi akonseilamentu nee atu fo hanoin ba sira iha formasaun KIN nee oinsa bele prepara sira nia bisnis plan ka planu negosiu tuir standar ka padraun nebe maka IADE hakarak atu nunee sira nia planu ka preparasaun nee antes tia ona hanesan material prima, no traballahor sira nebe sira presija depois kustu hira maka hasai ka gastus, vendas kada fulan saida maka sira planu nunee lukru hira maka sira hetan iha negosiu no nia kontinuasaun tenki ba oin eziste iha merkadu bisnis hotu maka ita tenki kontinuasaun iha merkadu, lae difikulta ita tanba dala barak ita bisnis loron ida rua para no taka entaun ema dehan ita bankarota.
Tinan ida nee ami halai liu ba area pekuariu nebe grupo sira mai nee tuir ideia negosiu balu hakiak manu lokal balu manu broiler, fahi timor, fahi rasa, balu ikan midar ka ikan kolam hanesan ikan mas ikan nilla balu mos hakiak bibi, entaun tinan ida nee ami focus liu ba setor pekuaria.
Iha fatin hanesan Melania Alves Lemos hanesan partisipante senti kontenti ho formasaun ne’e tamba bele fo beneficiu ba nia , no tuir nia katak liu husi formasaun nee maka uluk hatene hakiak fahi maibe han deit agora hatene hakiak maibe hatene faan.
Melania hatutan liu tan katak, Formasaun nee dahuluk ami tuir kona ba (BIN) Buka Ideia Negosiu, entaun ami tuir loron rua hotu depois ami simu tan billete ida priense tia hodi hein selesaun ba daruak nian konaba (KIN ) kalkulu ideia negosiu hahu husi tersa mai too ohin ikus nian.
Formasaun ne’e lao durante loron tolu ho diak, maske klima malirin no udan la fo fatin, maibe participante sira participa maksimu hodi aprende konaba oinsa halao negosiu ne’ebe diak, hodi kontribui ba ekonomia familia.
Jornalista  : Natalino Mendonca
Editor       : Joaquim Coutinho
