Ainaro (06/07/2023) Mensajen ne’e hato husi Sekretária Administrador Munisípiu Ainaro Rosa Olga Mendonça ba Jornalista Rádiu Komunidade Maubisse Mau-Loko (RKMM) Kinta ne’e iha nia knar fatin Administrasaun Munisípiu Ainaro.

“Hanesan Autoridade iha Munisípiu sujere nafatin ba Komunidade sira atu hela ses-an husi fatin ne’ebé risku atu núne’e labele fó afeita ba ita bót sira nia vida. Ita hatene katak iha tinan ida liu ba kotuk ami nafatin halo apoiu emerjenjia ba iha anin bot ne’ebé sobu Komunidade sira nia uma iha ema ida rua maka ami fó tia apoiu ba sira nafatin hela iha fatin ne’ebé maka risku tamba husu sebele karik ita bót sira buka fali fatin ne’ebé seguru ba ita bót sira vida. Buka atu desloka fali ba fatin ne’ebé seguru se ita bót sira ami kolia ba maka la rona no ikus mai akontese tan dezastre ami sei la tau tan atensaun ba ida ne’e tamba ami avisa on aba ita bót sira katak, Hadomi Ita Bót Sira Vida Atu Núne’e Asegura Ita Bót Sira Ninia-An Hodi Buka Fatin Ne’ebé Siguru Ba Iha Ita Bót Sira Núne’e Dezastre Ikus Mai Labele Akontese Tan Ita Bót Sira Nia Vida”Hameno ema daruak ne’ebé Lidera Administrasaun Munisípiu Ainaro Liu husi Intervista ho Jornalista RKMM 06/07/2023.

Alem de ida ne’e relasiona ho dezatre Naturais ne’ebé foin dadauk akotese no afeita direita ba iha Komunidade nia uma, tós, no natar. Tamba ne’e Rosa Olga Mendonça kuntinua husu Liderasan Komunitaria rejista no relata lalais dadus hirak ne’e mai iha Munisípiu liu husi parte relevante núne’e bele enkaminha ba Governu Sentral.

“Husu ba ita nia Lideransa Komunitaria liu-liu ba Xefe Suku sira, ita bót sira ne’ebé maka hela besik iha ita nia komunidade sira iha Aldeia no mós iha Suku karik iha ita nia povu balun maka hetan dezastre ka afeitadu tebes husi udan bót ida ne’e husu ita bót sira fornese lalais dadus mai nune’e partes relevante bele foti medida enkaminha ba Governu Sentral núne’e bele tau matan ba ita nia povu afetadu sira”.

Entertantu ho udan ne’ebé tau ho intensidade bót iha Tersa Semana ne’e halo rai monu hodi taka Estrada no uma Komunidade nian, Inklui prodotu lokal iha tó hetan estragus hotu.

Jornalista Moises Magno