Maubisse (29/06/2023) Organizasaun Arte Marsiais Persaudaran Setia Hati Terate (PSHT) Postu Administrativu Maubisse Munisípiu Ainaro Fó Ijame Teste PRA-Warga Ba Membru PSHT Foun Hamutuk 187 Kompostu Husi Ranting 10 ne’ebé existi Iha Maubisse Munisípiu Ainaro.
Teste PRA-Warga ne’e halao ba Alunu husi nivel sintu mutin ba kandidatu Warga foun tinan 2023, husi Ranting Postu Maubisse nian.
Iha Aktividade tste ne’ebé realija Kampu Kamlai Suku Maubisse Villa Prezidente Komisaun Organizadora ba aktividade ne’e Recardino Mendonça relata;
“Relasiona ho ita nia teste ka ijame ba ita nia kandidatura sira husi Postu Maubisse nian iha ne’e totál 187 pesoas kompostu husi Ranting 10 inklui feto 93 no mane 94 maka prepara atu ijame ba iha loron ida ohin. Ijame ida ne’e ba ita nia alunu sira husi membru PSHT hanesan ijame ida ne’ebé ikus atu sira prepara kandidatu ba 2023 e sai mós hanesan membru ba Organizasaun Persaudaraan Setia Hati Terate (PSHT).” Relata Prezidente Komisaun Organizadora Iha Kampu Kamlai Maubisse 29/06/2023.
Recardino Mendonça Kuntinua sujere liu tan katak, husu ba ekipa sira ne’ebé maka fó teste atu kumpri regras ne’eb’e iha inklui mantein nafatin disiplina.
“ Tuir fali mai atu fó hatene hela ba ita nia panitia ijame sira karik orsida ita bót sira involve iha pos sira ne’e hau husu hanesan Prezidente Komisaun husi ita bót sira labele uja sepatu, xinelus, karik labele uja sapeo mós, e mometu teste lao hau husu ita bót sira labele fuma sigaru karik ba ita nia saudara mane sira, núne’e mós labele konsumu alkohol wainhira ita nia aktividade teste sei lao no labele movimentu ba mai katak ita nia movimentu iha fatin ida ne’e deit la siknifika katak movimentu fali iha Mekadu ne’bá.” Hakotu Prezidente Komisaun Organizadora Teste PRA-Warga ba Kandidatu Foun Membru Organizasaun PSHT Postu Administativu Maubisse.
Iha Fatin hanesan Konselleru Organzasaun Persaudaraan Setia Hati Terate (PSHT) Munisípiu Ainaro Bernadino Martins Dias hateten ba tinan ida ne’e Graduasaun (Pengesahan) ba kandidatu membru sira ne’ebé maka tuir dadaun teste PRA-Warga sei sei realija husi Munisípiu Ainaro, ho totál Kandidatu Atus Hitu Resin, no Graduasaun ne’e sei akontese iha fulan Agostu tinan ida ne’e.
“ Ita simu ona relatóriu ne’eb’e ható katak ita Ainaro atu Gradusaun iha Ainaro, hamutuk ba tinan ida ne’e ita hamutuk ho Aileu, Ainaro ho totál membru ne’ebé atu Gradua mai ne’e hamutuk iha Atus Hitu Resin no Graduasaun ne’e sei akontese iha fulan Agostu hahú husi loron 11 tó loron 15 fulan Agostu 2023”. Hateten Konselleru PSHT Munisípiu Ainaro ne’e.
Núne’e nia Kuntinua esklarese liu tan katak;
“Tuir jadual ita simu katak Ainaro, Manufahi, no Aileu sei akontese iha dia 11 de Agostu. Maibe depende husi Komisaun Organizadora Nasional ba iha Graduasaun ba tinan 2023 iha Timor Leste maka sei halo planu oinsa atu halo mudansa ba iha data sira ne’e maibe data ne’ebé tentative maka dia 11 tó ba iha dia 15”. Dehan Bernadino Martins Dias.
Konselleru Organizasaun Persaudaraan Setia Hati Terate Munisípiu Ainaro kuntinua hatutan liu tan katak aktividade Graduasaun ne’ebé sei akontese iha Fulan Agostu tinan ne’e sei fó husi Dewan Pengesahan Mai Husi Madium Indonesia hamutuk nain 90, hamutuk ekipa sira iha Timor Leste sei espalla iha ba Munisípiu Sira hotu.
No membru foun sira husi teritóriu Nasional ne’ebé sei tuir Graduasaun ba Tinan ida ne’e iha Timor Leste hamutuk 10.188 (Rihun Sanolu Atus Ida Walu Nolu Resin Walu)
Entertantu Partisipa iha Aktividade teste PRA-Warga ba Kandidatu Membru Organizasaun PSHT iha Maubisse, marka Presenza husi Prezidente Sub KRAM Munisípiu Ainaro, Marcelino Mendonça, Komandate PNTL Esquadra Maubisse Adolfo Brandão Silva Mota, OPS Suku Maubisse Villa, no aktividade teste ne’e iha Maubisse loke Abertura husi Administrador Postu Administrativu Maubisse Munisípiu Ainaro Claudino Mendonça.
Jornalista Moises Magno
