Maubisse (29/06/2023) Komandante PNTL Esquadra Maubisse Adolfo Brandão Silva Mota Apresia Ho Unidade Entre Grupu Arte Marsiais No Rituais Iha Maubisse.

Adolfo Brandão Silva Mota ható ninia apresiasaun ne’e wainhira partisipa iha aktivida teste PRA-Warga Membru foun Husi Organizasaun Arte Marsiais Persaudaraan Setia Hati Terate (PSHT) hamutuk 187 kinta ne’e iha Kamlai Maubisse Munisípiu Ainaro.

“Parte Seguransa hau apresia bot ba organizasaun Arte Marsiais tolu involve mós ho Arte Ritual durante fulan tolu fó apoiu tomak ho kórdenasain diak, kóperasaun diak mai seguransa. Tamba saida maka hau dehan ida ne’e durante Kampaña tó Elisaun laiha problema laos deit maka seguransa maibe ho ita bót sira nia kontribuisaun hau salut ba ita bót sira hotu.” Tenik Autoridade Seguransa Postu Maubisse 29/06/2023.

Nune’e mós nia avalia katak durante ne’e iha Maubisse nia observa katak laiha mebru husi Arte Marsiais ida maka hatais farada ou atributu Arte Marsiais nian lao iha dalan públiku.

“Segundu hau ható ba iha Prezidente Sub KRAM Munisípiu Ainaro katak iha Maubisse durante ita implemeta no reativa Arte Marsiais tó ohin ida ne’e hau la nota no la hare kualquer membrus ida uja atributu lao iha públiku ne’ebé hau agradese ba ita bót sira husu atu ita bót sira mantein disiplina ida ne’e nafatin.” Dehan Komandante PNTL Esquadra Maubisse.

Jornalista Moises Magno