Plan International Timor-Leste ho Autoridade Munisipio Ainaro Lansa Fatin Amigavel ba Adolosente no Foin Sa’e, iha eskola Katólika Santa Maria Ainaro (SAMARIA)

0
15 views

Racom Maubisse Plan Internasional hamotuk ho Autoridade Munisipio, Saúde, Autoridade Seguransa PNTL, APC, lansa fatin Amigràvel  ba Adolosente no foin sae, iha Eskola Katólika Santa Maria Ainaro ho objetivu hodi fornese informasaun  no akonsolamentu  ba foinsa’e sira bainhira hasoru problema  liga ba asuntu  saúde reprodutiva.

 “Objektivu lasamentu Fatin amigràvel  hodi Fornese informasaun no akonsolamentu ba foinsa’e sira bainhira sira hasoru prekupasaun  ka problema  liga ba asuntu saúde reprodutiva, liun husi estabelesimentu fatin ne’e hodi  fo espasu  ba adolosente  no foinsa’e  sira liu-liu ba estudante sira  hodi asesu ba informasaun saúde reprodutiva ho kualidade, atu nune’e  foinsa’e sira  bele hetan tratamentu  ne’ebé mak seguru ba sira nia a’an  liga ba problema saúde Reprodutiva nian”,  Tenik Deputy Countri Directòra Plan Internasional  Timor-leste Sra. Etha Mota hateten Iha Ambitu Lansamentu no inagura Uma Amigavel ne’ebé Konstuir iha resintus Eskola Katólika Santa Maria Ainaro. Kuarta (21/06/23)

Iha Fatin hanesam  Deputy Countri Directòra Plan Internasional  ne’e apela ba Ministério Saúde atu estabelese Profisional Saúde konba Programa Saúde Sexual Reprodutiva iha Uma Amigravel ne’ebé harí ona, nune’e hodi atende ba foinsa’e ou estudante sira, atu bele reduz numero mortalidade ne’ebe makas tebes liliu kaben sedu.

Husi Plan Internasional husu ba Ministerio Saúde Munisipiu ainaro bele aloka Profisional Saude ne’ebe mak sai hanesan ponto fokal  hodi responsabel ba iha saude amigràvel  ba iha  adolosente no foinsa’e sira, no husi Plan hato’o agradesementu ba iha ministerio saude tanba sempre suporta Plan International hodi hari’I uma amigravel ida ne’e , tanba ne’e husu ba adolosente no Foinsa’e sira atu bele uza uma amigravel ida ne’e ho diak, atu nune’e bele reduz  kaben sedu” Deputy Country Etha Mota Rekomenda.

Ho Nune’e Diretor eskola Santa Maria Ainaro Pe, Eugenio Redentor aktula Vigariu Paroqu Igreja Nosa senhora de Fátima Ainaro, Agradese ba Organijasaun Plan Internasional no Ministerio Saúde Munisipiu Ainaro bele kopera hodi harí uma Amigavel iha Eskola atu nune’e Jovem no Estudante sira baihira hetan problema ruma bele hakat ba iha Uma amigavel nune’e hetan tramentu

 “ Husi Eskola Santa Maria Ainaro (SAMARIA) agradese ba Plan Internasional no mos Ministerio Saúde Munisipiu Ainaro,  tanba  fasilita ona Fatin Amigravel iha Eskola no Sai mos hanesan Centru ida ba Estudante no Foinsa’e sira atu nune’e estudante sira la senti moe no tauk atu halo tratamentu ba sira nia saúde liu-liu  iha parte Saúde Sexual no saúde Reprodutivu nia,”Diretor SAMARIA  Pe. Eugenio Redentor Agradese

Plan International Timor leste harí ona Fatin amigavel 8 iha Munisipio rua maka hanesan Aileu Fatin amigavel 4 nune’e mos Ainaro 4. 

Entretantu iha lansamentu ne’e, partisipa husi Autoridade Munisipio Ainaro, Autoridade Seguransa PNTL Munisipiu Ainaro, APC, Diretór da Eskola SAMARIA, inklui mos  Estudante sira.

Jornalista         Moises Magno

Editór              Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments