Racom Maubisse 28/06/2023, Pároco Foun Paroquia Imaculado Coração de Maria Maubisse, Padre João Soares Selebra Hamutuk Missa Agradesementu Ba Mahein Satan Terezinha Menino De Jesus Kapela Aileha Aihou Maubisse.

Iha Homilia, Padre Joao Soares haktuir katak, Grasa boot ida mai iha kapela ida nee mosu mai no sei hela ho imi nia mahein no ita hotu nia mahein Santa Terezinha do Mennino Jesus, Nia mai iha nee atu hamaluk imi, Nia mai iha nee atu rona imi nunee imi bele hakbesik ann liu tan ba Maromak.

Hanesan Pároco foun hau kontenti bele mai serbisu hamutuk ho imi iha paroquia maubisse e mai kedas kapela ida nee aileha reza ba atu hau nia missaun hamutuk ho imi bele ho diak.

Padre João Soares mos husu ba sarani paroquia maubisse atu reza ba diakonu tanba dia 3 de julho sei ba halao nia retiru iha Australia ita sarani sira nia kontribuisaun husi ita nia fiar no imi nia partisipasaun.

Iha dia 2 de Setembro se Nai Maromak nia hakarak duni nia sei ordena sai hanesan nai lulik tanba timor presija nai lulik, nee duni hau nia presenja iha nee ho Mahein Santa Terezinha do Menino Jesus tulun nia nafatin atu entrega ann ba Maromak hodi serbi povu no sarani.

Jornalista      :Natalino Mendonca Editor            :Joaquim  Coutinho