Racom Maubisse 28/06/2023 Konselho Kapela Aileha Moises Pereira  Waragao haktuir ba jornalista radio komunidade maubisse katak, “Atu dehan lolos deit katak ami nia kapela nee hetan apoiu husi sr. Agustinho iha momentu neeba, sei lidera hela partido PUDD nia ajuda semente, besi 12m ho 8m depois komunidade fo kontribuisaun uituan ami  konsege harii duni, maibe seidauk remata tanba iha koperasaun mak ladun diak entre estrurura ho komunidade entaun ami nia kapela nee seidauk finaliza too agora.

Konselho Capela Aileha Aihou nee mos haktuir liu tan katak tan deit distansia entaun balu labele kontribui diak liu ita ba maubisse maibe ami preokupa tanba ita nia inan ferik no katuasa sira hakarak ba missa maibe sira nia idade entaun labele, ho nunee maka ami hakarak harii kapela nee maibe too agora laiha fundus.

Hau nia rekomendasaun mak nee husu ba govenru karik iha posibilidade bele tau matan mai ami nia kapela ida nee, hodi nunee ami bele finalize hodi facilita no tulun ami nia inan aman katuas sira nebe maka lao labele sira mos bele partisipa iha missa loron boot, I liuliu loron sira hanesan ohin missa mahein kapela Aileha Santa Terezinha do Menino de Jesus.

Jornalista      :Natalino Mendonca

Editor            :Joaquim  Coutinho