Tinan 40 Existensia PICOMA Ho Festa Kultura Fahi Ulun, Dom Norberto do Amaral Husu Sarani Maubisse Mantein Unidade No Hametin Fiar

0
13 views

Racom Maubisse (11/06/2023) Komemora Tinan 40 Existensia Paroquia Imaculado Coração de Maria Maubisse (PICOMA sigla Portugés) no Festa Kultura Fahi Ulun, Dom Norberto do Amaral Husu Sarani Maubisse Mantein Unidade Hametin Fiar ba Nai Manromak.

Aktual Amu Bispu Diosece Maliana no Prezidente Konferensia Episkopal Timorense (CET sigla Postugés) Dom Norberto do Amaral ható mensajen ne’e iha nia rezidensia Domingu loron 11/06/2023, hafoin hasoru malu ho Prezidente Komisaun Organizadora ba Festa tinan 40 existensia Paroquia Maubisse no Festa Kultura Fahi Ulun.

Objetivu husi hasoru malu ida ne’e hodi entrega konvite no konvida Nai Bispu nia disponibilidade partisipa iha eventu komemorativu ida ne’e iha Paroquia Maubisse loron 18/06/2023.

Fatin hanesan ba Nai Bispu Prezidente Komisaun Organizadora Manuel Sequeira de Araújo aprejenta katak;

“Hanesan Prezidente  no responsabel ba Festa 40 anos ba Padroeira no Festa Fahi Ulun, ne’ebé ami mai ne’e lori Paroquia nia naran, Sarani Maubisse tomak nia naran ho hakraik-an atu konvida Amu Bispu”. Tenik Manuel ba Amu Bispu Diosece Maliana 11/06/2023.

Hafoin rona esplikasaun husi Prezidente Komisaun, Amu Bispu Diosece Maliana, Aktual Prezidente CET Dom Norebrto do Amaral Parabenisa  Sarani Maubisse, Komisaun Organidora Festa Tinan 40 Existensia Paroquia Maubisse no Festa Kultura Fahi Ulun. No husu atu mantein unidade no hametin nafatin fiar ba Nai Maromak.

“Festa Padroeira 40 anos no Festa Fahi Ulun hau nia mensajen maka ne’e, premeiru parabens ba imi hot-hotu ne’ebé halo imi nia Festa ida ne’e liu-liu ba panitia sira ne’e atu servisu didiak hodi lao tuir imi nia esperansa ne’ebé imi hakarak alkansa. Segundu hau labele ba tamba  hau nia saude labele premiti hau ba, ne’e duni hau laele ba mais hau ható deit hau nia parabens ba imi. Terseiru husu imi bele unidade nafatin tantu Dewan Pastorais, Sarani sira bele neon ida laran ida ba kaer metin imi nia fiar ne’e hodi lao ba oin tuir buat ne’ebé Jesus hanorin ba ita hotu”. Dehan Nai Bispu Diosece Maliana Dom Norbertu do Amaral.

Entertantu tuir ajenda no programa sira ne’ebé prepara husi Komisaun Organizadora Sesta Fera loron 16/06/2023 simu Sua Eminencia Dom Virgilio Cardeal do Carmo da Silva ho kometiva, kuntinua halo Inaugurasaun ba Kapela São Mateus Quiricoli Maubisse. Loron 17/06/2023  Sua Eminencia Dom Virgilio Cardeal do Carmo da Silva ho kometiva, Inaugura Monumentu Jesus Divina Miserecordia iha Edi Lau Maubisse. No loron 18/06/2023, Simu Amu Pároko foun, Missa solene ba Padroeira PICOMA, hafoin seremonia kultura entrega Fahi Ulun.

Jornalista                     Joaquim Coutinho

Editór                          Moises Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments