Racom Maubisse (18/06/2023) Domingu ne’e iha Igreja Paroquia Imaculado Coração de Maria Maubisse hafoin de Missa agradesementu ba ejistensia Paroquia Maubisse kompelata tinan 40 ne’ebé prezidi husi Sua Eminência Dom Virgílio Cardeal do Carmo da Silva SDB, no tamada de Posse ba Amu Pároco foun.

Komisaun Organizadora Tinan 40 ejistensia Paroquia Maubisse, Amu Pároco foun Pe. João Soares Hamutuk ho Lian nain Kultura PICOMA nian entrga Fahi Ulun ba Sarani no Lia Nain Suku Maulau Postu Administrativu Maubisse Munisípiu Ainaro.

Hafoin Simu Fahi Ulun Husi Paroquia Xefe Suku Maulau, Domingos Mendonça hateten, Kultura entrega Fahi Ulun husi Suku ida ba Seluk iha Maubisse sai ona hanesan tradisaun ida ne’ebé hodi hamtin fiar ba Maromak no hametin kultura iha Iha Maubisse.

Tamba ne’e loron 18/06/2023 Sarani Suku Maulau ho Ksolok Simu Fahi Ulun ho responsabilidade husi Paroquia Maubisse.

“Ami sarani Suku Maulau mai ho ksolok no fiar metin hodi simu Fahi Ulun ho reponsabilidade ami fiar katak iha tinan 2024 ami sei mai hamutuk ho Amu Pároco Paroquia Imaculado Coração de Maria Maubisse no Prezidente Konsellu Paroquial hodi tau ahi no hamoris ahi iha PICOMA hodi konvida Nai Ulun sira husi Igreja no Estadu nian atu partisipa iha seremonia hanesan ohin ita hotu ajisti iha ne’e.” Promete Xefe Suku Maulau Maubisse Munisípiu Ainaro 18/06/2023.

Fatin hanesan iha intervensaun Amu Pároco Foun Pe. João Soares hateten eventu ida ne’e hanesan parte ida atu hametin diak liu tan relasaun amizade liu husi kultura ne’ebé halao dadaun iha Paroquia Maubisse.

Entertantu Festa Kultura Fahi Ulun Atu Halibur Sarani Mai Iha Paroquia Hodi Selebra Loron Nain Feto nian, ne’ebe sai hanesan mahein ba Paroquia Imaculado Coração de Maria Maubisse.

Jornalista                     Moises Magno

Editór                          Joaquim Coutinho