Racom Maubisse (17/06/2023) Sabadu ne’e Sarani Paroquia Imaculado Ciração de Maria Maubisse (PICOMA) ho dadolin no sergala tuir tradisaun no kultura Maubisse nian simu Pe. João Soares hanesan Pároco Eleitu ba Paroquia Imaculado Coração de Maria Maubisse.
Pe. João Soares tó iha Maubisse akompaña husi Padre Pároco Catedral, Bispu Eleitu Diosece Baucao Pe. Leandro Maria Alves hamutuk ho sarani Catedral, grupu kategoriais ho familia.
No Padre João Soares Domingu ne’e hetan ona Posse husi Sua Eminência Dom Virgílio Cardeal do Carmo da Silva SDB, hanesan Pároco foun ba Paroquia Imaculado Coração de Maria Maubisse (PICOMA) iha selebrasaun Missa Solene ejistensia Paroquia Maubisse Kompleta tinan 40 no Festa Padroeira PICOMA nian, ne’ebé prezidi husi Dom Virgílio Cardeal do Carmo da Silva SDB.
Hafoin Posse Arcebispo Metropolitana de Dili hateten, agradese ba Padre João Soares nia dispónibilidade tomak hodi sai hanesan Bibiatan ba sarani Paroquianos Maubisse ninian.
“Agradese ba iha Amu João Soares tamba nia prontidaun no disponibilidade atu mai sai Pároco iha ne’e.” Tenik Arcebispo Metropolitana de Dili 18/06/2023
Fatin hanesan Amu Pároco Foun Pe. João Soares iha Sarani Maubisse nia oin hateten ninia prontidaun hodi kuntinua halao programa sira ne’ebé maka Pároco anterior sira halo ona mai tó iha Pe. Feliciano Barreto Rodriques Soares nia tempu.
“Ba dala uluk hau ható hau nia agradesementu profunda ba Sua Eminência Dom Virgílio Cardeal do Carmo da Silva tau konfiansa mai hau hodi hamatak ba sarani sira iha Paroquia Maubisse. Hau konsiente katak hau hanesan liman ain Sua Eminência nian núdar servisu hau nia prezensa iha Paroquia ne’e sei kuntinua halao buat hotu ne’ebé Párokos anterior halao ona mai tó iha Rev. Pe. Feliciano nia tempu”. Dehan Amu Pároco Foun Pe. João Soares.
No prgrama sira ne’e hotu atu lao diak presija kolaborasaun diak husi parte hotu ho intidades relevantes sira ne’ebé maka ejisti iha Postu Administrativu Maubisse Munisípiu Ainaro.
“Misaun no servisu ejiji responsabilidade, no responsabilidade ida ne’e sei bele sai diak liu tan bainhira iha kolaborasaun diak no aktiva husi parte hotu núne’e bele lori Paroquia ida ne’e ba oina laos deit iha mehi maibe hahú kedas ho moris kongretu.” Hakotu Nai Lulik ne’e.
Momentu hanesan hafoin de entrega save Igreja nian no karimbu husi Amu Pároco tuan ba Sua Eminência Dom Virgílio Cardeal do Carmo da Silva SDB, hodi kuntinua intrega hikas ba Amu Pároco foun PICOMA Pe. João Soares, Pe. Feleiciano Barreito Rodriques Soares iha hanesan Amu Pároco tuan iha nia mensajen ikus hateten, fó ba Cesar nuat ne’ebé Cesar nian no fó ba Maromak buat ne’ebe Maromak, Tamba ne’e buat ne’ebé inan ho aman sira fó ona ba Igreja oan sira labele hadau fila fali, Kuntinua husu ba Sarani Maubisse atu servisu ho neon ho laran labele iha oin kolia ibun midar maibe iha kotuk lae.
“Hua nia mensajen ba imi hotu fó ba Cesar buat ne’ebé Cesar nian, fó ba Maromak buat ne’ebé Maromak nian. Buat ne’ebé aman inan fó on aba Igreja oan sira labele hadaun fila fali, ou labele foti fali ne’e labele. Servisu ho Nai Lulik sira karik servisu ho neon ho laran ba labele iha oin diak iha kotuk lae.” Hameno Amu Pároco Sesante ba Sarani Maubisse.
Entertantu aktividade durante vizita Sua Eminência Dom Virgílio Cardeal do Carmo da Silva,SDB iha Paroquia Maubisse maka hanesan Inaugurasaun ba Kapela São Mateus Quiricoli Maubisse. Inaugura Monumentu Jesus Divina Miserecordia iha Edi Lau Maubisse, Tomada de Posse ba Amu Pároko foun, ikus liu Missa solene ba Padroeira PICOMA, hafoin seremonia kultura entrega Fahi Ulun husi Paroquia ba Sarani no lia nain sira husi Suku Maulau Postu Administrativu Maubisse Munisípiu Ainaro.
Jornalista Moises Magno
Editór Joaquim Coutinho
