Racom Maubisse(16/06/2023) Sua Eminência Dom Virgílio Cardeal do Carmo da Silva,SDB hato’o sentimento apreciasaun ne’e ba grupo Arte Marsiais no Rituas hanesan PSHT, KORK, IKS no Arte rituais sira seluk nebe hatudu sira ninia unidade no amizade iha Suku Manetu, Aldeia Quiri Coli, Maubisse, hafoin fó Bensaun no Inaugura Kapela S. Mateus Quiricoli Suku Manetu Postu Administrativu Maubisse Munisípiu Ainaro.

“Ba Joven sira Arte Marsiais sira PSHT,KORK, KERA SAKTI, Arte Rituais sira no Joven sira hotu hau husu nafatin ba imi buat ne’ebé imi aprende hodu halo ezersisiu físiku ninian ida ne’e idak-idak iha ninia maneira hodi treinu. Maibe buat ne’ebé treinu labele fahe ita tamba ita hotu mesak Timor-Oan mesak Quiricoli Oan, Maubisse Oan, Manetu Oan ida ne’e imi tenki tau nafatin hodi hanorin ba ita nia alin kíkoan sira buat ne’ebé bolu dehan Unidade ne’e. Ne’e duni ohin ita haré mosu metan mutin mean hotu iha ne’e maibe ema ida deit  sarani no povu Manetu ninian, ida ne’e maka hau hanoin ita kuntinua hatudu hau fó parabens ba imi ne’ebé ohin iha ne’e.” Dehan Sua Eminência Dom Virgílio Cardeal do Carmo da Silva,SDB iha ninia diskurso depois de Missa Eukaristia iha Kapela São Mateus Quiricoli, Suku Manetu Maubisse Munisípiu Ainaro 16/06/2023

Antes ne’e iha Selebrasaun Missa Sua Emenincia Dom Virgilio Cardeal do Carmo da Silva ba sarani Quiricoli haklaken liu tan katak;

“Paz la harí iha sasan paz harí iha Maromak wainhira iha Maromak iha paz, wainhira ita fiar iha paz, wainhira ita reze iha paz. Espirito Santu nia mensajen ida ba sarani Quiricoli maka ida ne’e buat diak ne’ebé imi hahú ona iha ne’e kleur Lisan tradisaun lubuk ida ne’eb’e ita bót sira hakiak ona iha ne’e. Kuntinua buat diak ne’eb’e iha ona tenki kuntinua, ba Joven sira katak ita nia tradisaun ne’e hadomi malu, respeita malu, servisu hamutuk dala barak ita hare buat sira husi liur mai kundu ita hetan tia ida ne’e ita haluhan tia buat hotu”. Haklaken Dom Virgilio Cardeal do Carmo da Silva SDB.

Manuel Mendonça  hanesan Sarani Aldeia Quiricoli atual hanesan komisaun organizadora  ba inagurasaun kapela ne’e hato’o agradese wain ba Sua Eminencia Cardeal inauguran ona sira nia kapela hodi sira bele hasa’e orasaun ba aman Maromak.

Entertatu kapela São Mateus Quiricoli konstrui Voluntarimente hosi komunidade  Aldeia  suku Manetu no total osamentu hamutu Rihun Walu atus lima liu husi kontribuisaun sarani sira iha aldeia Quiricoli inkliu Igreja Paroquia Imaculado Corasaun de Maria Maubisse

Jornalista         Moises Magno

Editór              Joaquim Coutinho