Racom Maubisse (18/06/2023) Padre Feliciano Barreito Rodriques Soares hanesan Pároco Sesante Paroquia Imaculado Coração de Maria Maubisse (PICOMA) hateten ida ne’e iha Missa agradesementu ba tinan 40 ejistensia Paroquia Maubisse no tomada de Posse Amu Pároco foun Padre João Soares ne’ebé Prezidi husi Sua Eminência Dom Virgílio Cardeal do Carmo da Silva SDB.

Hafoin Sua Eminência Dom Virgílio Cardeal do Carmo da Silva fó posse Amu Pároco foun Pe. João Soares, Amu Pároco Sesante Pe. Feliciano iha Sarani Maubisse nia oin hateten, Maubisse hanesan fatin ne’ebé kuidadu Nai Lulik ne’e nia Vocasaun Sacerdotal, Maubisse fatin aprende sai Padre, no Maubisse mós hanesan Fatin ba Nai Lulik ne’e aprende Pastoral, tamba Maubisse nia ambiente no nia emar sira.

“Laos hau maka moris maibe Kristu maka moris iha hau. Hua mai iha Maubisse iha tinan 2007 fulan Setembru núdar Frater finalist ida ne’ebé maka prepara atu sai Diacono tuir lolos hua nia preparasaun ba Diacono ne’e iha Oecusse tunda tia hau mai fali iha Maubisse. Maubisse maka bah au fatin ida ne’ebé kuidadu hau nia Vocasaun Sacerdotal iha fatin seluk karik hau kala hela iha Kamea fán hela ai-maran, Maubisse fatin hau aprende sai Padre, Maubisse fatin ne’ebé hau aprende Pastoral tamba ninis ambiente no ninia ema sira. Maubisse maka kuidadu hau nia Vocasaun ba sai Nai Lulik hodi hamrík iha imi hotu nia oin hodi serbi imi tó momentu ida ne’e, durante tinan 11 hanesan Pároco, Frater tinan 3, Diacono tinan 1 tinan 15. Maubisse bah au fating rasa  bah au nia esperensia durante tinan 15”. Hateten Nai Lulik ne’e 18/06/2023.

Wainhira hamrík iha Sarani Maubisse nia oin Nai Lulik ne’e hikis Mata wen hodi ható ninia agrdesementu Profunda ba Sarani, grupu kategoriais PICOMA, Autóridade Lokal, Komunitaria, Inklui organizasaun sira hotu ne’ebé ejisti iha Postu Administrativu Maubisse Munisípiu Ainaro.

Iha Nai Lulik ne’e nia  mensajen ikus hateten, fó ba Cesar buat ne’ebé Cesar nian no fó ba Maromak buat ne’ebe Maromak, Tamba ne’e buat ne’ebé inan ho aman sira fó ona ba Igreja oan sira labele hadau fila fali, Kuntinua husu ba Sarani Maubisse atu servisu ho neon ho laran ho Amu Pároco foun  labele iha oin kolia ibun midar maibe iha kotuk lae.

“Hua nia mensajen ba imi hotu fó ba Cesar buat ne’ebé Cesar nian, fó ba Maromak buat ne’ebé Maromak nian. Buat ne’ebé aman inan fó on aba Igreja oan sira labele hadaun fila fali, ou labele foti fali ne’e labele. Servisu ho Nai Lulik sira karik servisu ho neon ho laran ba labele iha oin diak iha kotuk lae.” Hameno Amu Pároco Sesante ba Sarani Maubisse.

Iha intervesaun Sua Eminência Dom Virgílio Cardeal do Carmo da Silva SDB, ható agradese ba  Pároco Sesante liu husi nia didikasaun tomak hodi serbi ho domin ba Sarani Paroquianos tomak iha Maubisse.

Alem de ida ne’e agradese mós entidades relevante sira iha Maubisse ne’ebé durante tinan 11 servisu hamutuk ho Pe. Pároco Sesante.

Entertantu Amu Pároco Sesante mai iha Maubisse iha tinan 2007 hanesan Frater Finalista. No tinan 11 hanesan Pároco ba Paroquia Imaculado Coração de Maria Maubisse, Frater tinan 3, no sai hanesan Diacono tinan 1.

Jornalista                     Moises Magno

Editór                          Joaquim Coutinho