Missa Inseramentu Loron Nain Feto Iha Gruta Maded, Amu Pároko Maubisse Husu Joven Sira Atu Halo Orasaun, Laos Atu Passa Tempu

0
15 views

Racom Maubisse 31/05/2023 Padre Pároko Ingreja Imakulado Korasaun de Maria Maubisse (PICOMA sigla Portugés) Pe. Feliciano Barreto Rodruques Soares hateten ida ne’e liu husi nia Homelia ba Missa Inseramentu Loron Nain Feto nian iha Gruta MADED Biheturem Maubisse Kuarta ne’e

“Sarani sira vizita Gruta MADED livre atu reja ida nee mak hau husu. I hau hein katak aban bairua karik hau laiha tia mos fatin nee ema hotu bele mai halo orasaun tanba nee la bandu, maibe hameno hela ba alin joven sira katak fatin nee laos atu mai passa tempu maibe reja”. Dehan Pe Selebrante ne’e iha Gruta MADED Maubisse 31/05/2023.

Nai Lulik ne’e kuntinua hatutan liu tan katak;

” Nain Feto Maria ba nia feto maluk Santa Isabel atu enkoranja fortifika no partilla ksolok ba malu mak ferik ho klosan nian. Vizita ida nee mos mai ita ida-idak katak Maromak nunka abandona ita ema no hamutuk nafatin ho ita ema iha terus nia laran susar nia laran desesperadu no desanima maromak hamutuk nafatin ho ita, biar fraku no sala maromak nunka hakribi ita”. Hakotu Nai Lulik ne’e

Entretantu partesipa iha Missa nee Autoridade lokal, Komandante protesaun sivil Munisípiu Ainaro no Komunidade Maubisse.

Alem de Missa ida ne’e mos fó Baptismu ba kík-oan hanutuk 63 iha selebrasaun Missa inseramentu Nain Feto do Rosariu ne’e Iha Gruta MADED Maubisse

Jornalista :Natalino Mendonca

Editor :Moises Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments