Komemora Loron Mundial Labarik Iha EBC RiTa Maulau, Inspektor Escolar Husu Manorin Nain Evita Lia Fuan Kroat Hasoru Labarik

0
25 views

Racom Maubisse (01/06/2023) Labarik núdar Jerasaun foun, Labarik núdar koluna nasaun nian. Labarik núdar roman foun dezemvolvementu nian. Tamba ne’e, ho komemorasaun loron labarik nian, núdar rekoiñesementu ida ba direitu labarik sira hotu nian iha Mundu ne’e.

Inisiativa estabelese loron mundial ba labarik hahu iha tinan 1945 no tuir mai iha tinan 1959 husi Asemblea Jerál Nasaun Unida (ONU) aprova direitu labarik sira nian no ikus mai iha tinan 1989, tinan 30 depois, ONU adota mós Konvensaun direitu labarik nian, hodi promove, hametin no konsensisliza ema hotu oinsá garante no mellora bem-estar labarik sira hotu nian.

Tamba ne’e, Timor-Leste núdar Estadu membru Onu nian ida, adota mós konvesaun direitu labarik nian, núne’e kada tinan Timor -Leste mós selebra loron ne’e ho tema oi-oin.

Tamba ne’e ho komemorasaun loron Mundial ba labarik, loron 01 fulan Juñu ne’e iha Eskola Ensinu Básiku Sentral (EBC sigla Postugés) Rita Suku Maulau Maubisse Munisípiu Ainaro, Inspektur Eskola Area B, Jeraldo Carlos Lori Direktur Edukasaun Munisipiu Ainaro husu ba Manorin nain Evita Lia Fuan Kroat Wainhira Hanorin Estudante iha sala laran.

“Hau enome Direktur Edukasaun Munisípiu Ainaro, no mós Suprentedente hameno hela ba Professor sira tamba ita bót sira dala ruma seidauk rina, ho didiak. Hua sujere hanorin Estudante sira labele uja lia fuan kroat ne’e kuidadu, se ida ne’e akontese iha sala laran ne’e halakon kedas sira nia mentalidade , ne’ebé hamaus sira ba. Inan aman kous iha uma mai fali eskola mós Professor sira maka kous fila fali, laos kous maibe tula liman ba iha nia kabas ne’e siknifika katak hadomi.” Dehan Inspektur Eskola Area B liu husi diskursu iha seremonia dadasa’e Bandeira Nasional Hodi Komemora Loron mundial ba labarik iha Eskola EBC Rita Maubisse Kinta ne’e 01/06/2023.

Dirijente Servisu Edukasaun Postu Administrativu Maubisse hatutan nia parte senti orgullu ho komemorasaun ne’ebé maka realija dadaun iha Eskola Rita ne’e tamba hetan mós apoiu husi Organizasaun Internasional CARE Hatutan.

“Ne’ebé hau orgullu itoan husi NGO sira bele tau importansia tebes ba ita nia loron ba labarik nian ne’e parabens ba ita bót sira tamba premeira vez ita hahu iha EBC Rita. Tamba ne’e hau hakarak hateten tan katak loron ba labarik nian ne’e hanesan loron importante ne’ebé hakerek kedas iha artigu 182 Timor mós hola parte iha ne’ebá tamba ida ne’e ita tenki tane as ita nia Estudante sira husi idade 0 ba tó iha 18 anos.” Hakotu Jeraldo Carlos.

Fatin hanesan ba Jornalista Radiu Komunidade Maubisse Mau-Loko Direktur Eskola EBC Rita, Francisco Mendonça da Conceição haktuir katak aktividade komemorasaun ida ne’e kontribuisaun husi Eskola rasik no apoiu mós husi Organizasaun CARE Hatutan.

No Aktividade ba Komemorasaun Loron Mundial labarik nian ne’e iha Eskola EBC Rita maka hanesan seremonia dadasa’e Bandeira Nasional, Sertame, no aprejentasaun puisia husi Estudante sira, Inklui aktividade sira seluk tan ne’ebé relevante ba iha labarik sira.

Entretantu aktividade ida ne’e realija husi Eskola Ensinu Básiku Sentral (EBC sigla Postugés) Rita ho nia Agrupamentu, ho total Estudante Rihun ida Resin, no partisipa husi Dirijentes Eskola ne’ebé ejisti iha Postu Administrativu Maubisse Munisípiu Ainaro.

Jornalista Moises Magno

Editor Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments