Ainaro (22/05/2023) Administrador Munisípiu Ainaro Leovigildo Amaral Pereira hateten, tasa Partisipasaun Eleitór iha Elisaun Parlamentár (ELPAR) 2023 menus Kompara ho Elisaun Prezidensial (ELPRES) 2022.

Leovigildo Amaral Pereira hato ida ne’e iha Edefisiu STAE Munisípiu Ainaro wainhira observa Apuramentu Elesaun Parlamentar 2023.

“Sentru Votasaun sira hotu ita haré hanesan tasa partisipantes ne’e menus liu, ita kompara Elisaun Prezidensial ho Paralamentár la hanesan. Tamba ita haré katak iha Sentru votasaun purezemplu iha Sentru Votasaun iha Sede Sentru Juventude Ainaro nian ita haré 3.145 maibe Vota deit 490 ital ho ida ne’e ita hanoin katak ita nia Komunidade la valoriza liu Nasaun ida ne’e”. Dehan Leovigildo 22/05/2023.

Tamba ne’e ba Autoridade Komunitaria nia tatoli katak ba futuru karik akontese tan Elisaun Suku husu atu mobilija Komunidade ba ezerse votu tamba liu husi votu maka bele disidi futuru Nasaun nian.

“Iha Elisaun Suku nian 2024 realija karik hau hakarak ható ba Xefe Aldeia Xefe Suku sira atu mobiliza komunidade mai partisipa másimu iha Elisaun ne’e tamba ita nia votus ne’e maka disisdi futuru Nasaun nian, ne’ebé presija tau iha ita nia konsiderasaun katak Nasaun ida ne’e hau nian hau direitu atu fó hau nia Votu”. Hameno Autoridade Másimu Munisípiu Ainaro.

Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).

Jornalista Moises Maudoly Magno