Racom Maubisse (14/05/2023) Fernando Martins Sidadaun Husi Aldeia Liquite Suku Maubisse Munisípiu Ainaro, domingu ne’e ba Jornalista Radiu Komunidade Maubisse Mau-Loko hateten, obrigado tenki lori husi nia Maun rasik hodi ba eserje nia direitu iha Sentru votasaun tamba kodisaun físiku la primiti inklui laiha Kadeira Roda ba nia hodi lao mesak ba sentru Votasaun, Maske antes ne’e iha maibe nia kondisaun at no labele utulija ona tamba laiha manutensaun.

Fernando Martins Sidadaun ho kondisaun Difisiente Ain ne’e hateten maske lao ho Kadeira Roda maibe nafatin laiha dalan ne’ebé tetuk atu Kadera Roda bele asesu tama tó iha Laran.

“Tamba ho hau nia kondisaun ida hanesan presija duni hau maun maka lori hau tama ba laran, hanesan bele ba ho Kadeura Roda maibe atu sae eskada ida as hanesan ne’e meman la diak duni”. Dehan ema ho Kondisaun difisiente ne’e 14/05/2023.

Tamba ne’e nia husu;

“Tamba ne’e dalan sira eskada hanesan ne’e sebele halo tetuk, atu núne’e ba ami sira ne’ebé maka ho Kadeira Roda bele tama tó iha Laran. Tamba ho eskada ne’e maka as ami tenki presija duni ema, se tetuk karik ami bele tama ba tó iha laran” Katak Fernando Martins.

Tuir Mau husi Fernando Martins, Adriano Martins de Araújo haktuir katak;

“Durante hahú mai nia kompleta 17 anos nia iha ona direitu atu hili mós Governante ba rai ida ne’e nian hau rasik maka lori nia ba Sentru Votasaun, wainhira ita tó ona iha Sentru Votasaun ita simu ona Buletin de Votu ami rua maka ba duni hau simu hau nian, nia mós simu ninian tamba hanesan ohin dehan iha    Kursi Roda karik entau nia bele ba rasik atu bele vota maibe iha ami nia Sentru Votasaun buat ida hanesan ne’e laiha entaun hau maka tenki lori duni.” Hateten Maun Husi Alfredo Martins.

Adriano Martins de Araújo deklara liu tan katak;

“Maibe atu hateten katak ami rua nia kor la hanesan, hau hanesan nia maun hau hakarak kor ida ne’e, nia halarak kor seluk tamba ita ba hili tuir ema idak-idak nia hakarak, e hau mós laiha direitu ida atu hateten ba nia katak o tenki hili maka ida hau nian ne’e. Wainhira tó iha Gabina de votu ida hau hakarak hau hili no tú duni ida ne’e hau lulun tia, hau fó fali opurtunidade ba nia hili tuir ida ne’ebé maka nia hakarak  depois nia nain rasik maka lulun duni depois ami rua lao hamutuk ba tau iha Urna hodi tau tinta  hatudu katak hau vota hotu ona.” Afirma Maun Husi Difisiente ne’e.

Adriano Martins esplika antes ne’e iha ona Kadeira Roda , maibe ba oras ne’e dadaun nia kondisaun at, maske halo ona manutensaun ba Kadeira Rona refere maibe labele utulija ho diak tamba nia durasaun kelur liu ona. Tamba ne’e nia Sujere ba Governu liu husi Ministériu Solidaridade Sosial no Inkluzaun (MSSI) oferese Kadera Roda foun ba Sidadaun ho kondisaun Difisiente ain ne’e atu bele fasilita  lao ba mai hodi senti furak abiente rai ne’e nian maske iha deit Kadeira Roda.

“Iha inisiu mai ne’e Kursi Roda iha nia nain rasik bele lori maibe agora nia kondisaun la diak ona, sira mai halo ona manutensaun dala ida, no nia durasaun kleur liu ona. Estadu hanoin katak ema hotu iha nia direitu para bele ba ejerse nia direitu hanesan sidadaun entaun bele mai halo manutensaun ida fali bele oferese foun ida para  nia bele asesu ba buat saida deit” Rekomenda Maun husi Difisiente ne’e.

Tuir Observasaun Organizasaun Raes Hadomi Timor-Oan (RHTO)  nota katak Elisaun Prezidensial tinan kotuk la asesivel ba ba ema ho Difesiente atu asesu ho diak, tamba iha Sestru Votasaun no Estasaun de Votu   ho Eskada  as. Haktuir Asisten Treinadora husi Organizasaun Raes Hadomi Timor-Oan (RHTO) Floriana da Silva.

“Elisaun Tinan kotuk liu ba RHTO halo observasaun la asesivel ba ema ho Difisiensia sira atu asesu tamba Sentru Votasaun ka Estasaun de Votu ne’ebé maka iha ne’e iha eskada ne’ebé maka as iha mós Gabina de Votu ne’ebé maka as estaun ema ho Difesiensia sira ne’ebé maka ho Kadeira Roda, sira ne’ebé maka ho Raes Badak sira labele asesu ho diak. Depois ida tan mós ba ema ho Difesiensia matan difisil ba sira atu Vota Mesak”. Dehan Floriana da Silva.

Tamba ne’e RHTO konsidera lema hateten, la husik ema ida iha kotuk maibe iha Elisaun ema ho Kondisaun Difesiente Nafatin iha Kotuk.

“Iha lema ida dehan la husik ema ida iha kotuk, iha Votasaun ne’e ema ho Difisiensia nafatin iha kotuk. Liu-liu ba Difisiente matan sira, sira ba Vota sempre lori husi sira nia familia no tau fiar ba familia ne’e atu ba Vota. Tamba ne’e ema hot-hotu dehan votu ne’e segredu maibe ba ema Difisiente sira hau hanoin la livre no segredu tamba sira nia votu ne’e hau senti ema hotu hatene maske sira fó fiar ba iha ema ida.” Nia Hateten.

Ligado ho prokupasaun hirak ne’e Prezidente Komisaun Nasional Elisaun (CNE sigla Portugés)  Agostnho Belo hateten, problema ba ema Difisiente sai hanesan  Prokupasaun ema hotu nian, tamba ne’e CNE luta makas atu iha Sentru Votasaun no Estasaun ne’e votu sira tau mós ho Gabina de Votu ne’ebé badak atu núne’e bele fasilita ema kondisaun Difesiente bele ejerse sira nia direitu ho diak.

“Difisientes sai hanesan asuntu ida ema hot-hotu nian Konstituisaun iha prinsipiu ne’e sempre kolia tratamentu kualidade ne’e ba hot-hotu artigu 21 ne’e ba los ida ne’e. Ita sempre ható hela oinsa para atu bele partisipasaun liu-liu lei garantia ba feto ho mane e liu-liu ba Difisiente sira, tamba ne’e maka agora dadauk ami luta hela para ho lejislasaun ne’ebé iha  orsamentu klaru ona katak  Sentru Votasaun presija iha Gabina ne’ebé  labele as liu para sira bele hamrík hodi vota”. Hateten Prezidente Komisaun Nasional Elisaun (CNE)

Fó hanoin fali katak Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).

Jornalista                     Moises Magno

Editór                          Joaquim Coutinho