Uma Kain 333 Iha Maubisse Sai Benefisiuariu ba UNP PLUS B

0
16 views

Racom Maubessi (28/ 04/ 2023) Sexta Feira ne’e Diretur Geral Dezemvolvementu Rural (DGDR) Akompana husi Diretur Administrasaun no Finansas PNDS, Diretur Lojistika, Administrador Posto, Komadante PNTL Esquadra Posto Maubesi hamutuk ho Xefe Suku no Komunidade Suku 9 lansa Programa Uma Naroman ba Povo UNP (Fahe kalen) ba Benefisiáriu hamutuk uma kain 333 iha Postu Administrativu Maubisse Munisípiu Ainaro, no kada Suku Uma Kain 37 maka hetan apoiu ne’e.

Hafoin lansa no entrega Klaen ba benefisiuariu Suku Maubisse nian ba Jornalista RKMM liu husi intervista Diretur Geral Desenvolvimentu Rural, Rosito Guterres hateten, VIII Governo liu husi Ministério da Administrasaun Estatal (MAE), Atravez Planu no politika Desenvolvimentu Rural, Programa PNDS konsege Implementa Halo Uma Naroman ba Povo Besik rihun 10.000 ba tinan 2021,2022 no 2023.

“Atraves de Programa PNDS ohin ita realja lansamentu fahe kalen ba ita nia benefisiuarios sira, ida ne’e tama kategoria Uma Naroman ba Povu (UNP) Plus tipu B nian  ne’ebé ohin ami mai lansa hela Nivel Postu Administrativu, lansa iha Suku Maubisse Villa maibe nia ofisializa iha Nivel Postu Administrativu Maubisse ninian tomak. Ita hotu hatene katak,programa uma Naroman ba Povu ne’e iha kategoria oi-oin  uma tomak UKL Plus tipu A mós ita kuntinua implementa, e ida ohin fahe kalen ne’e kada suku 37 ba Suku 9 ne’e hotu la tó iha ne’e deit iha teritóriu Timor laran tomak mós ita implementa ona programa sira hanesan ne’e purtantu iha 4.000 iha 3.000 ne’ebé 2023 mós ita kuntinua fahe kalen ba ita nia Populasaun sira. Ne’ebé ida ne’e Programa VIII Governu  atraves husi Programa Nasional Dezemvolvementu Suku (PNNDS) ne’ebé ohin ita lansa iha Maubisse.” Hateten Diretur Geral Dezemvolvementu Rural MAE 28/04/2023.

Direjente MAE ne’ebé tulela ba area dezemvolvementu Rural ne’e kuntinua relata Orsamentu ne’ebé maka aloka ona ba Suku hotu iha teritóriu Nasaional liu husi Programa Dezemvolvementu Suku purvolta besik Rihun Atus Rua Dolares Amerikanu.

“Kada tinan ita aloka orsamentu ba PNDS regular ne’e deit purvolta de 24 Miloens, agora fahe kalen tipu A inklui mós ho uma tomak ne’ebé maka ita halo 54 Miloens ne’e khusus ba iha ida Programa Uma Naroman ba Povu ne’e. Ne’ebé hau hakarak hateten hela iha ne’e husi totál hamutuk UNP, projetus regular, Be Mos, Estrada, ne’ebé maka identifikadu ona lao hela atavez de PNDS Suku hot-hotu ne’e purvolta de besik Rihun Atus Rua ne’ebé distinadu ona ba Suku atravez de grand ida PNDS ninian ne’e.” Relata DG Rosito

DGDR mos husu ba Autoridade lokal no Komunitaria sira atu Servisu hamutuk ho autoridade  seguransa sira hodi asegura prosesu elisaun mai, bele lao iha dame no Paz nian laran hodi foku ba Desenvolvimentu.

Alende Lori Komunidade Maubessi nia naran Xefe Suku Manetu  Alfredo Martins argumenta Agradese ba VIII Governo Konstitusional tanba bele Uja Osan Estadu hodi Implementa Programa Uma Naroman ba Povo (UNP) Konsege Halo Uma Tomak ba Povo no Iha mos UNP +B Troka Povo Nian Uma Kakuluk.

“Hanesan Xefe Suku senti orgullu no kontenti tamba pela premeira vez VIII Governu ida ne’e iha planu diak ba nia povu sira maka hanesan motio ida hehan katak (Premieru Ema, Sigundu Ema, no Tersiru Ema), ne’e maka VIII Governu nia programa haré liu ba iha Komunidade liu-liu ba iha premeiru maka Uma Naroman ba Povu (UNP) ida ne’e ba iha seluruh tembok ita nian inan ho aman ne’ebé forsa laiha bele hetan uma ne’e, agora ba fali aumenta tan UNP Plus ne’e la haré ba iha kondisaun ekonomia maibe haré ba kondisaun uma ne’ebe iha ne’ebé iha kada iha hetan 37 benefisiuariu ba maka hetan no sai nain ba ditribuisaun ne’e.” Haktuir Xefe Suku Manetu.

Atividade Lansamento hetan antisiasmu tebes husi komunidade Maubisse Munisípiu Ainaro.

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments