Ajente  LOKOBUI ZAKMA Kuntinua Halao Rejistrasaun Ba Bolsa da Mae Jerasaun Foun Iha Kilinika S. Joaquim Maubisse

0
17 views

Racom Maubisse (19/04/2023) LOKOBUI ZACMA hanesan Ajente husi Telekomsel nian ne’ebé maka dadaun ne’e halo  Rejistu ba Benefisiuariu ba Programa Bolsa da Mae Jerasaun foun iha Postu Administrativu Maubisse Munisípiu Ainaro.

Ba Radiu Komunidade Maubisse Mau-Loko Jermano Afonsu do Rosario de Jesus informa;

“Ami husi Ajente Telekomsel nian ne’ebé responsabel kona-ba Pagamentu ba Bolsa da Mae Jerasaun foun iha Postu Maubisse. No ami Ajente Postu Maubisse ho naran LOKOBUI ZAKMA ami halo ona rejistu iha ne’e fulan ida ona, no antes de halao pagamentu ami halo uluk ba iha rejistu Ajente hafoin lista ne’e haruka fila fali ba MSSI Nasional depois manda fila fali lista ne’e mai maka ami foin halo pagamentu.” Dehan Afonsu 19/04/2023

Nia hatutan Dukumentu impotante ne’ebé presija lori husi bemefisiuariu ba rejistu maka hanesan, Kartaun Eleitoral, ho Númeru Telefoni ne’ebé maka dadaun ne’e ativu hela.

“Ami rejistu ne’e ami presija lori Dokumentu maka hanesan Kartaun Eleitoral, ho Númeru Telefoni ne’ebé ativu iha momentu rejistu iha Ofisiaias MSSI nian ne’ebé destaka iha kada Suku, no mós tenki nain rasik maka mai se Inan maka rejistu antaun Inan maka mai, se Aman maka rejistu Aman maka mai. Se la maia maka osan iha Sistema ami labele intrega tamba laos nain maka mai” Hatutan Jermano Afonsu do Rosario de Jesus.

Aktividade ida ne’e halao tamba Kompañia Telekomsel halao kóperasaun Ministériu Solidaridade Sosial no Inkluzaun (MSSI) no implementasaun sei halao durante tinan lima.

Jornalista                                 Moises da Silva Magno

Editór                                      Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments