Chefe Suco Nunumogue Hilario da C. B. Soares Preokupa ho Kondisaun Estrada Ligasaun Posto Hatobuilico Ramelau

0
19 views

Racom Maubisse, 12/04/2023, Kondisaun Estrada husi Diresaun husi PA Maubisse ba PA Hatubuiliko villa iha ho nia naruk 19 km hahu tempu ita Indonesia mai to’o tempu ukun rasik-an besik ona tinan 21 ida, laiha mundansa ne’ebe signifikante, maske atutoridade local actual no autoridade anterior sira mos sempre hatoo proposta maibe too ohin loron nia resultadu mak nune’e nafatin, maske fatin hatobuilico fatin ba turismu religioso, ligadu ho foho Ramelau.

Ba Radio Komunidade Maubisse Mauloko, iha Salao Administrasaun Posto Hatobuilico, Chefe do Suco Nunumogue Holariu Soares haktuir katak;

“Iha tinan 2019 ami xefi suku nain tolu inklui suku mulo, suku horaiquik Maubisse nomos Suco Nunomogue rasik ho suku sia parte ermera nian ami assina ona Estrada kuridor ligasaun fleicxa ba PA Letefoho nomos aumenta tan husi foho lisboa-lau mai iha Hatobuilico Villa ne’ebe mos 5km no ami survey ona, maibe marterial seidauk too mai iha lokasi ate a data”.   Hatuir Chefe do suco Nunumogue.

Chefe do Suco Nunumogue ne’e realsa liu tan katak;

“Ami nia komunidade iha suku Nunomogue inklui suku rua seluk hanesan Suco Mauchiga ho Suco Mulo, maioria moris ho produto hortikultura, bainhira Estrada la dezenvolve ho diak ma kami nia produtu local sira atu asesu ba merkadu susar tebes, e ami nian ema badinas nain ho rai nebe potensial hau hanoin povu bele moris ho sufisiente maibe ho kondisaun Estrada ne’ebe at nune’e ita nia populasaun tenki tutur no tula iha kuda labele transforma  ho diak no hetan osan nebe diak”.

Atu asesu ba merkadu hodi fan produtu local ne’ebe mak komunidade agrikultor sira produs iha knua no lidun sira iha area posto Hatobuilico, hodi asesu ba merkadu, save importante mak dalan ne’ebe diak nune’e bele asesu lais ba merkadu nune’e komunidade sir abele fan sira nia produtu local hodi sustenta oan sir aba escolar no mos hadia ekonomia uma laran, maibe realidade ne’ebe iha mak ho kondisaun Estrada ne’ebe at difikulta komunidade agrikultor sira nia moris oinsa atu asesu ba merkadu hodi fan sira nia produtu local.

Tamba ne’e husu ba governu atu bele taumatan ba kondisaun Estrada ligasaun PA Maubisse iha Suco Horaquic no Posto Hatobuilico.

Jornalista        :Natalino Mendonca

Editor             :Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments