Partidu Os Verdes de Timor Halao Konferensia Municipal iha Postu Administrativu Maubisse Municipiu Ainaro

0
54 views

Racom Maubisse, 03/03/2023, Partido Os verdes halao Conferensia  Nivel Municipal  Posto Maubisse Municipiu Ainaro no konfrensia refere participa husi simpatizantes no apoiantes partido Os Verdes mai husi Posto Ainaro Villa, Hatoudo, Hatobuilico no Maubisse rasik.

Iha entrevista ho jornalista Radio Comunidade Maubisse Mauloko Presidente partidu Os Verdes Antonio da Costa Cruz hateten;

“Konferensia husi postu hat hodi eleje sira nia estrutura munisipiu no Konferensia iha Maubisse ne’e partidu Verdes hakarak reafirma pozisaun katak verdes eziste iha Ainaro no konferensia munisipal neen ona mak halo hamutuk ho ida ne’e ba dala hitu”. 

Hatan kona ba afiliasaun husi partidu seluk, ne’ebe afilia ba partido Os Verdes, president partidu ne’e hateten katak;

“Partidu verdes partidu ne’ebé foun tamba ne’e la iha afiliasaun maibe maioria membru partidu mai husi partidu FRETELIN no CNRT, tamba ne’e ami esforsu tomak atu viabiliza verdes ultrapassa bareira eleitoral”.

Tamba ne’e Presidente Os Verdes Antonio da Costa Cruz hato lia menon ba membru partidu os verdes, kontinua hametin-an fo konfiansa no esperansa tomak ba Verdes, nune’e bele kontribui ba dezemvolv Politika iha rai laran, liu liu ba ema ho dificiente no dezemprego sira.

Jornalista       : Imaculada Mendonca

Editor             : Joaquim Coutinho  

0 0 votes
Article Rating
Subscribe
Notify of
guest
0 Comments
Inline Feedbacks
View all comments