Racom Maubisse (27/03/2023) Komisariu CNE destakadu Munisípiu  Ainaro no Manufahi Alcino de Araújo Baris hateten lia  hirak ne’e iha aktividade Edukasaun Sívika ne’ebe maka realija foin dadaun ne’e iha Salaun Administrasaun Postu Ainaro Villa, Hamutuk eleitóres no Liders Partidu Polítiku. Nia Hateten,eleitóres sira  presija buka hatene uluk antes fó votus, basa Poder Polítikus sira depende teb-tebes ba iha Eleitóres sira nia Votu.

“Ita eleitóres sira núdár partisipantes ne’eb’e maka determina se maka atu sae fali iha elisaun ida ne’e , katak ita hili Partidu Polítiku (PARPOL) sira atu lori reprejenta ita iha Parlamentu no aumesmu tempu lori forma fali Governu tamba ita nia Governu ne’e mai husi Parlamentu. Tamba ne’e iha ne’e sei halo aprejentasaun ba materia 3 kona-ba Sistema Eleitoral, Kampaña Eleitoral, no Krimi Eleitoral. Ne’ebé hanesan eleitór sira tenki buka hatene antes nia atu fó ninia votus ba poder Politik sira depende teb-tebes ba Eleitór sira” Dehan Komisariu CNE Alcino de Araújo Baris.

Alende tema ba Edukasaun Sívika ne’e Hateten “Liu Husi Edukasaun Sívika Ita Hametin Sentidiu de Partense no Eleva Taxa Partisipasaun Iha Eleisaun Parlamentár 2023”.

Tuir dadus ne’ebe maka Aprejenta husi Ekipa STAE, Munisípiu katak, Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).

Alende ida ne’e ba Oras ne’e dadaun STAE Munisípiu Ainaro  Nafatin Kórdena ho Ministériu Relevante ne’eb’e toma konta ba Estrada no Eletrisidade atu bele servisu hamutuk hodi haré ba Centru Votasaun sira ne’ebe maka kondisaun Estrada at, inklui laiha Roman Eletrisidade.

Jornalista                     Moises da Silva Magno

Editór                          Joaquim de Fátima Coutinho