Ekipa Husi Cidade Amiga Bendigno Australia Vijita Hikas Maubisse Hafoin Covid-19

0
20 views

Racom Maubisse, 07/03/2023, Komunidade Maubisse hamutuk ho Autoridade local Posto Maubisse besik ona tinan 20 halao ona kooperasaun ho maluk sira iha Australia liu liu iha Cidade Bendigo Australia liu husi Governu Timor Leste no Governu Australia, no matadalan ba kooperasaun refere mak Senhora Cristy Shot Gusmau.

Kooperasaun refere lao kleur ona entre fatin rua, maibe depois de akontesimentu mora mundial ne’ebe hanaran Covid-19, kuaze tinan rua amigo sira husi Cidade Bendigo Australia la vijita maubisse.

Depois de Covi-19 reprezentante husi Bendigo Australia iha komunikadu hakarak vijita hikas fali Maubisse, hodi hare konaba apoia sira ne’be mak durante ne’e ofrece mai maubisse, nune’e iha dia 7 de Marco 2023, Ekipa ida husi Bendigo Australia Viujita maubisse hodi kolia ho Autoridade local, Igreja, Hospital PNTL inklui radio komunidade Maubisse konaba apoiu sira ne’ebe mak durante ne’e apiu mai komunidade Maubisse,

Ba Jornalista Radio Comunidade Maubisse Mauloko Debora Black hanesan responsabel ba kipa ne’ebe vijita maubisse haktuir katak;

“Ha’u senti kontente hare mudansa barak iha Maubisse, Iha programa seluk tan hanesan programa dentista sira husi bendigno sei fo moos treinamentu ba joven sira. Nune’e mos nia haktuir sira halo moos relatoriu annual husi tinan 2021 to tinan 2022 ne’ebé sei rai ba komunidade Maubisse sira. Ho amizade husi Maubisse ho bendigno ema husi bendigno hatene Dili no Maubisse iha ne’ebé”.

Iha fatin hanesan Jestor Radio Komunidade Maubisse Mauloko Joaquim de Fátima Coutinho hateten;

“Koperasaun entre bendigno no Autoridade local Maubisse e mos ho Radio Comunidade desde uluk besik ona tinan rua nulu, no Bendigno fo ona apoiu material no rehabilitasaun ba edifisiu Radio Comunidade Maubisse Mauloko hodi facilita halao servisu maibe problema ne’ebe parte radio hasoru mak problema financeiru ne’ebé durante ne’e Radio enfrenta, tamba ne’e sebele parte bendigo bele apoia radio ho orsamentu ruma nune’e bele apoiu servisu sira iha radio”.

Joaquim de Fatima Coutinho em nome estrutura hato agradesimentu ba bendigo no husu atu kooperasaun ne’ebé bendigo halo ho radio no komunidade la bele para maske neneik maibé bebeik.

Jornalista       : Imaculada Mendonca

Editor             : Joaquim Coutinho  

0 0 votes
Article Rating
Subscribe
Notify of
guest
0 Comments
Inline Feedbacks
View all comments