Racom maubisse, 20/03/2023, Director Diresaun Nasionál-Planu no Dezemvolvimentu Media Local Jose da Costa Halao Sorumutu Ho Estrutura Rádiu Komunidade Sira iha Placio do Governu antes hakat ba assina kontratu ho MAPKOMS.
Ba Jornalista Radio Komunidade Maubisse Mauloko, Diretor Nasionál-PDML José da Costa hatete katak;
“Inkontru ne’e sempre halo hodi avalia programa ne’ebé hala’o iha rádiu komunidade sira, antes aloka Fundu Transferensia Públika ba rádiu sira iha faze dahuluk 2023 nian, nune’e radio komunidade bele jere ho diak tuir mata dalan ne’ebe iha”.
Depois de halao surmutuk tuir Director DNPDML ne’e haktuir liu tan katak, depois avaliasaun estrutura rádiu komunidade sira mós sei asina FTP ho Governu-MAPKOMS, katak DNPML-MAPKOMS apoiu rádiu komunidade 18 durante ne’e maibe ba oras ne’e dadaun rádiu komunidade tolu seidauk bele asesu ba FTP 2023 faze dahuluk mak hanesan radio Ainaro, Radio Komoro no radio Turiscai ne’ebe mka foin hari, tamba kestaun legalidade balun.
Totál Osamentu FTP ne’ebe sei aloka ba radio Komunidade sira total $ 51,635.00 ba rádiu 15, no Sorumutuk konaba avaliasaun ba programa radio ne’e hala’o iha sala auditoria PCM, Palásiu Governu-Dili.
Jornalista : Imaculada Mendonca
Editor : Joaquim Coutinho
