Racom Maubisse (27/03/2023) Segunda Feira ne’e Comicão Nacional de Elições (Sigla Portuges) (CNE) halao Edukasaun Sívika ba Lider Partidu Politikus (PARPOL)no Eleitóres iha Munisípiu Ainaro.
Aktividade Edukasaun Sívika ne’ebe maka Realija iha Salaun Administrasaun Postu Ainaro Villa ne’e, Marka Presenza husi Komisariu CNE destakadu Munisípiu Ainaro no Manufahi Alcino de Araújo Baris.
Ho Edukasaun Sivika ne’ebé maka halao dadaun ne’e, hodi informa ba Lider Partidu Polítiku iha Munisípiu no Eleitóres sira kona ba Lalaok Elisaun Parlamentar loron 21 Fulan Maio Tinan ne’e.
Ligadu ho ida ne’e ba partisipantes Komisariu CNE destakadu Munisípiu Ainaro no Manufahi Alcino de Araujo Baris hateten, liu husi aktividade ida ne’e atu fahe informasaun ba Eleitóres sira relasiona ho Prosesu Eleitoral Elisaun Parlamentar 2023.
“Fahe informasoens ba elietóres sira relasionadu ho prosesu eleitoral, tamba CNE orgaun ida ne’ebé tau matan ba prosesu tomak, no oras ne’e dadauk ita besik ona atu halao elisaun ka votasaun ne’ebe Prezidente da Repúblika Dekreta ona iha 21 de Maio 2023. Maske núne’e ita hanesan Eleitóres ita tenki hatene wainhira ita atu hola parte iha prosesu de Votasaun ita tenki hatene lai nia lalaok ne’e lao halo nusa tamba iha prosesu ida ne’e ita nia partisipasaun determina teb-tebes atu hili fila fali poder Polítiku sira ne’ebe atu fó kuntinuidade ba Ukun iha Tinan 5 mai” Tenik Komisariu CNE Alcino Baris iha Aktividade Edukasaun Sívika iha Salaun Administrasaun Postu Ainaro Villa 27/03/2023.
Nune’e Komisariu CNE Ainaro no Manufahi ne’e kuntinua fundamenta liu tan katak;
“Ita hotu hatene katak, elisaun ida dadauk Parlamentu ne’e ninia karakter la dun hanesan ho elisaun Prezidensial. Tamba ita hare iha elisaun Prezidensial ne’e kandidatu sira iha nivel Nasional apoiuantes ka ekipa susesu maka iha Munisípiu, elisaun Parlamentar nia karakter diefente tamba estrutura iha nivel Nasional, CD Nasional hanesan mós CD iha Munisípiu. Tamba ne’e ninia estruktura ne’e forti trb-tebes, la kleur tan sira sei halo Kampaña eleitoral depois maka foin hakat ba Vota” Hatutan Komisariu CNE.
Nune’e mós ba eleitóres sira nia husu presija buka hatene uluk antes fó votus, basa Poder Polítikus sira depende teb-tebes ba iha Eleitóres sira nia Votu.
“Ita eleitóres sira núdár partisipantes ne’eb’e maka determina se maka atu sae fali iha elisaun ida ne’e , katak ita hili Partidu Polítiku (PARPOL) sira atu lori reprejenta ita iha Parlamentu no aumesmu tempu lori forma fali Governu tamba ita nia Governu ne’e mai husi Parlamentu. Tamba ne’e iha ne’e sei halo aprejentasaun ba materia 3 kona-ba Sistema Eleitoral, Kampaña Eleitoral, no Krimi Eleitoral. Ne’ebé hanesan eleitór sira tenki buka hatene antes nia atu fó ninia votus ba poder Politik sira depende teb-tebes ba Eleitór sira” Hakotu Komisariu CNE Alcino de Araújo Baris.
Tuir dadus ne’ebe maka Aprejenta husi Ekipa STAE, Munisípiu katak, Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).
Alende ida ne’e ba Oras ne’e dadaun STAE Munisípiu Ainaro Nafatin kria Kórdenasaun ho Ministériu Relevante ne’eb’e toma konta ba Estrada no Eletrisidade atu bele servisu hamutuk hodi haré ba Centru Votasaun sira ne’ebe maka kondisaun Estrada at, inklui laiha Roman Eletrisidade.
Jornalista Moises da Silva Magno
Editór Joaquim de Fátima Coutinho
