Racom Maubisse 24/03/2023 Sexta Feira ne’e Universidade Da Paz entrega estudante hamutuk 443 ba Chefe do Suco maubisse Villa hodi halao peskiza durante semana rua.
Ba Jornalista Racom Maubisse Dekanu Saude Publiku Martinos Nahak Lino Hatete;
“Ami husi Universidade Fakuldade Saude Publika I Siensias Medika ohin loron ami lori estudante hamutuk 443 mai iha Suku Maubisse Villa Postu Administrative Munisipiu Ainaro depois destaka ba aldeia 12 iha Suku Maubisse Villa durante semana rua iha Suco Maubisse Villa, sira sei halao pratika iha aprezentasaun iha kampu”
Universidade Da Paz mos aprezenta estudante husi departamentu hamutuk neen (6) Maka hanesan Jestaun Politika Da Saude, Epidemolijia, Nutrisaun, Saude Reprodutivu, Saude Ambiental, Bioestatistiku Sistema Informasaun De Saude
Dekanu nee mos hatutan tan katak;
“Koperasaun entre Autoridade diak tanba antes nee mai dala rua halo komunikasaun diak ho Autoridade depois halo survey ba fatin estudante sira atu tuun ba halo pratika I semana rua liu baa mai koalia ho Xefi Suku no Aldeia sira pronto atu simu kalae iha difikuldade saida deit ita identifika para depois ami inform aba estudante sira atu forma komisaun ruma ba iha aldeia karik buat ruma sira hasoru no infrenta ba komisaun mak toma responsabilidade iha kampu de pratika”.
Parte seluk husu mos ba komunidade hamutuk ho estudante sira no estudante hamutuk ho sira, atu bele realiza pratika ho estudante sira tanba tempu nebe inportante ba sira nia estudu tanba sira sei vizita uma kain hothotu husu ba komunidade sira atu simu ita nia oan sir aba iha uma sira husu informasaun hatan ho diak no buat nebe los para depois sira hetan dadus no faktu nebe iha no sira mos sei analiza depois sira sei aprezenta rejultadu iha semana rua nee .
Nunee mos parte autoridade suku Maubisse Villa liu husi Xefi Suku Maubisse Wilson Nivio Maria Pereira Mendonca Hateten katak;
“Antes semana rua liu ba parte universidade da paz halo ona kordenasaun ho autoridade postu maubisse katak sei haruka estudante 443 atu mai halo peskiza durante semana rua iha suku maubisse inklui aldeia 12 iha suku Maubisse Villa Postu Administratvu Maubisse Munisipiu Ainaro”.
Ohin mos ita simu estudante husi Universidade Da Paz Saude Publika sei halo pratika iha Suku Maubisse Villa iha fatin aldeia 12 Total estudante iha kada aldeia hamutuk 37 pessoas ou 38 pessoas.
Mensajem ba inan aman sira iha aldeia kuidadu ita nia estudante sira nebe ba halo pratika iha imi nia fatin haree sira hanesan imi nia oan I sira hanesan sidadaun Timor, mai pratika no aprende tuir buat nebe sira hetan ona iha tinan hira liu ba, mai hamutuk ho komunidada atu kontribui ba dezenvolvimentu Saude.
Jornalista :Natalino Mendonca
Editor :Joaquim De Fatima
