Racom Maubisse 15/02/2023, Ilhas Mahein Edukasaun Timor Leste Lao haleu kuaze tinan tomak ida iha Municipiu Ainaro hodi vijita kada escolar hotu ne’ebe mak eziste iha Municipiu Ainaro, hafoin entrega ba Municipiu Vijinho Aileu, iha dia 15 de Febreiro 2023. Iha intervista ba Radio Komunidade Maubisse Mauloko, Diretor Edukasaun Munisipiu Ainaro Oscar de Araujo Hateten katak;

“Ilhas São João Paulo II hiit-an mai husi Municipiu Manufahi iha tinan kotuk no oras nee dadaun Mahein Edukasaun São João Paulo II sei hi’it-an hikas ba Municipiu Aileu, maibe nia espiritu hela nafatin iha Edukasaun Munispiu Ainaro”

Lideranca Maksimu Edukasaun Municipiu Ainaro ne’e Oscar de Araujo informa liu tan katak;

“Dia 15 de fevreiru de 2023  iha fatin ida nebe maka sorumutuk entre munisipiu Ainaro ho Aileu, marka tan istoria ida rai nakdoko ho vizita illas São Paulo II liu husi aprezentasaun dansarina poezai no tebe kultura husi ita nia lia nain sira, hatudu katak ita nia fiar metin nafatin ho Illas S~ao João Paulo II mahein Edukasaun Timor Leste, bele transforma ba ita hotu liliu Eskola iha Timor Leste laran tomak, espesialmente tanba nia estadia duranete um ano iha Ainaro”.

Director Edukasaun Municipiu Ainaro ne’e hatutan tan katak Hanesan Presidente Komisaun Organizadora hakarak hato’o agradesimentu ba sub  komisaun organizadora Hatubuiliku, Ainaro, Hatudu, Maubisse i autoridades tomak sivis i militares munisipiu Ainaro nian no mos Autoridades Ministeriu Edukasaun nian nebe maka ohin marka prezensa iha nee  para ita bele hamutuk tau hanoin ida deit hodi entrega ita nia mahein ba munisipiu Aileu.

Presidente nee mos haktuir tan katak durante um ano inteiru São João Paulo II nia vizita halo transformasaun signifikanate tebes iha area Edukasaun, liu husi siensia i sabedoria, tamba ne’e espera katak ohin minutu ikus ona, loron ikus ona ami atu entrega ba iha Munisipiu Aileu Illas maka lao ba iha munisipiu Aileu, maibe nia espiritualmente sempre em Ainaro.

Perante iha seremonia entrega mahein Edukasaun São João Paulo II iha baliza entre Maubisse Ainaro ho Aileu, Administrador munisipiu Aileu Abel da Conceição hateten katak;

“Ohin iha rai ketan ida ne’e nebe maka liuhusi ita nia governu no Ministru Edukasaun deside ona mahein edukasaun iha Timor Lesta maka ita nia São João Paulo II, nebe maka iha tinan hirak ba kotuk nia  isin rasik sama rai timor hodi fo esperansa ba timor, i ohin ita mos sai nasaun soberanu ida iha mundu rai klaran ida nee”.

Autoridade maximu Municipiu Aileu ne’e haktuir liu tan katak, Iha fatin ida ne’e Na’i Santo São Paulo II ami husi Munisipiu Aileu hamro’ok tebes itaboot nia prezensa atu nunee fo tulun no fo kbiit mai ami liuliu iha area Edukasaun iha ami nia munisipiu rasik, tanba iha ami nia munispiu ida nee nomos iha Timor Leste assuntu rekursus umanus inportante tebes entaun iha minutu ida nee ami Autoridade Munisipiu Aileu, Edukasaun kamada sira hotu prontu ona atu ita tama iha ami nia munisipiu Aileu.

Jornalist          :Natalino Mendonca

Editor              :Joaquim De Fatima