Lia Afriza Konsultan Turizmu Komunitariu Husi Indonesia Vizita  Sitíu Turizmu Komunitariu Rabilau Maubisse

0
144 views

Racom Maubisse (17/01/2023)  Lia Afriza hanesan Konsultan Turizmu Komunitariu  Hamutuk ho Delegasaun  tó iha Maubisse iha loron 17 fulan Janeiru foin dadaun ne’e, Kuntinua kedan halao  nia Vizita Iha Pouzada  Maubisse, Knua Hakmatek hafoin hakat tó iha Laletek Foho Rabilau Suku Maubisse Villa.

Relasiona ho Vizita ida ne’e iha Maubisse ba Jornalista Radiu Komunidade Maubisse Mau-Loko Konsultan Turzmu Komunitariu Lia Afriza hateten, vizita ida ne’e halao tamba hetan Konvida husi Governu Timor Leste liu husi Ministériu Turzmu Komersiu No Industria (MTKI), hodi esplora diak liu tan Fatin Turzmu Komunitariu Iha Timor Leste espesialmente iha Postu Administrativu Maubisse Munisípiu Ainaro.

“Hau Agora iha Timor Leste hetan Konvite husi Ministériu Turizmu Timor Leste nian, Objetivu Pronsipal Mai iha ne’e maka atu ke no esplora liu tan Potensia Fatin Turizmu Komunitariu  ne’ebé Suku sira iha hanesan dadaun iha Rabilau Maubisse.” Dehan Konsultan Turizmu Komunitariu Husi Nasaun Indonesia  Lia Afriza Iha Sitíu Turzmu Komunitariu Rabilau Maubisse 17/01/2022.

Nia Kuntinua hatutan liu tan katak ho vizita ida ne’e hanesan parte ida atu fó motivasaun diak liu tan Komunidade sira oinsa atu dezemvolve no Promove  liu tan fatin Turizmu Komunitariu sira, hanesan Kultura, no nia husu hadomi no tau matan ba ambiente sira ne’ebe besik iha Sitítu ne’e.

“Ho vizita ida ne’e atu fó motivasaun diak liu tan ba Komunidade sira, tamba ita hatene katak Turizmu Komunitariu ne’e tenki involve Komunidade sira maka barak liu tamba ne’e komunidade sira presija servisu hamutuk hodi kuntinua dezemvolve halo diak liu tan hodi fó nia rendementu diak liu tan ba Komunidade sira ne’ebe hela besik iha fatin Turzmu Komunitariu refere.” Dehan Lia Afriza  ba Jornalista RKMM.

Núne’e nia Konsidera Rabilau Maubisse hanesan Fatin furak tebes Kompara ho fatin sira ne’ebe maka nia halao ona vizita sira hanesan ne’e.

“Maubisse ne’e hanesan foho ne’ebe infeita ho fatuk ho nia ambiente ne’ebé matak no furak tebes, hanesan hau rasik haré iha Indonesia rasik no mós, iha Turki maibe ida ne’e nia fatin luan liu kompara ho sira”. Nia dehan.

Tamba ne’e nia sujere presija hadia diak liu tan Infastrutura bájiku, núne bele fasilita diak liu tan Vizitantes vizita Sitíu Turístiku ne’e.

“Importante liu maka tenki hadia dalan sira halo diak, atu trasporte  labele halai iha dut hodi esntraga fali nia ambiente sira iha ne’e, ida tan maka halo fatin deskansa ba vizitante, atu núne’e udan karik sira bele ba iha ne’eba”. Hakotu Nia.

Entertatu durante halao Vizita Konsultan Turzmu Komunitariu husi Nasaun Indonesia nian ne’e iha Maubisse Akompaña direta husi Jestor Warda Turizmu Maubisse Mau-Loko.

Jornalista                     Moises da Silva Mago

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments