Racom Maubisse 18/01/2023 Kóperativa Multi Sektorial Moris Foun Kafé Nain Maubisse COCAMAU (sigla Portuges) Kaurta feira ne’e halao enkontru ho embrus Grupu sira iha Salaun Armajen Kóperativa ne’e nian.

Objetivu husi Surumutuk ida ne’e hodi aprejenta relatoriu Finansas tinan 2022 nian, ható rejultadu husi kompetisaun Kafe 2022 nian, Inklui entrega Premeiu ba Mana nain sira ne’ebé liu iha teste ba Kualidade kafé.

Ba Radiu Komunidade Maubisse Mau-Loko Prezidente COCAMAU Julio Mendonça Martins hateten, Sururmutuk ida ne’ebé halao dadaun ne’e hare liu ba Aktividades sira ne’ebe maka mebrus grupu sira halo ona iha tinan 2022 nian.

“Enkontru ida ohin kria iha Kóperativa COCAMAU nian ne’e hodi haré liu ba aktividade ne’ebe maka durante ne’e halao liu-liu ba tinan 2022 ninian. Hodi haré mós ba aktividade ne’ebé maka lao liu-liu ba iha kualidade kafé ida ne’e maka durante ne’e ami halo, mós ami halo kompetisaun  ba iha grupu tós nain sira iha ne’e iha grupu 3 maka haten Premeiu”. Tenik Direjente COCAMAU ba Jornalista RKMM 18/01/2022.

Kona-ba Grupu 3 ne’ebé ne’ebe hetan dadun Premeiu ne’e  maka hanesan Grupu Hahi-Mau Klasifikasaun Premeiru, tuir Grupu Manuleten, no terseiru Klasifikasaun maka Grupu Erdatuba, hanesan Prezidente Kópertiva COCAMAU haktuir.

“Ida maka Grupu Hahimau, nia maka hetan premeiru lugar, Sigundu Grupu Manuleten, Tersiru lugar maka Grupu Erdatuba. Premeiru Lugar ne’e ita fó Mákina ida ho osan montante $ 500 Dolar, Sigundu Lugar ne’e ita fó Mákina ho osan ho nia Montante $ 300 Dolar, ida Tersiru Lugar ne’e ita fó deit osan ho Montante $ 200 Dolar”. Relata Prezidente Kóperativa COCAMAU aktual Xefe suku Edi Postu Administrativu Maubisse Munisípiu Ainaro.

Alende ida ne’e atribui mós Sertifikadu Festival Kafé husi Asosiasaun Café Timor (ACT) ba Mebrus Grupu husi Kóperativa COCAMAU nian Iha Maubisse.

Partisipa iha Surumutuk ida ne’e Administrador Postu Maubisse, Prezidente ACT, Direktora PARCIK, Struktura COCAMAU ho nia Membrus Grupu Sira iha Postu Administrativu Maubisse.

Jornalista                     Moises da Silva Magno

Editór                          Joaquim de Fátima Coutinho